چلەی ماتەمینی ئەنوەر شێخانی بەڕێوەچوو

چلەی ماتەمینی ئەنوەر شێخانی بەڕێوەچوو

محەمەد ئامۆکەیی: لە شاری هەولێر چلەی ئەکتەرو هونەرمەندی رەسەن، ئەنوەر شێخانی کرایەوە.

فەرهەنگ غەفور بەڕێوەبەری گشتی رۆشنبیری و هونەری هەولێر، بۆ زاری کرمانجی گووتی"مەڕاسیمێکی شایستەمان لە چلەی کۆچی ماڵئاوایی هونەرمەندی رەسەن و دانەبڕاو، خوالێخۆشبوو (ئەنوەر شێخانی) ساز کرد وێڕای پەردە لادان لەسەر پەیکەریان، چەندین پارچە موزیک و دەف و وتار و فیلمێکی دیکۆمێناریش لەسەر ژیانی نمایش کرا.

ئاماژەی بەوەشکرد" ئەم مەڕاسیمە کەمترین شتێکە وەک وەفا بەرامبەر بەو تەمەنە زۆرەی کاری هونەریی ئەنوەر شێخانی، کە (٥٤) ساڵی لە تەمەنی خۆی لە رێی هونەردا بە دڵسۆزی لێهاتووی و بێ دابڕان تەرخان کرد و زۆر شەونخوونیی بۆ کێشا. جێگای باسە ئەنوەر شێخانی، هونەرمەندێکی رەسەن و سوارێکی ئەسڵزادە بوو لە مەیدانی هونەردا، تا توانی ئەسپی خۆی تیادا تاو داو زۆری رەنج داو دەسکەوت و بەرهەمی ئەو رەنج و ماندووبوونەیشی بێ بەرامبەر بە گەلەکەی و نیشتمانەکەی بەخشی.

زۆرترین بینراو