چوار گەشتی بازرگانی كەوتنەبەر هێرش

چوار گەشتی بازرگانی كەوتنەبەر هێرش

چوار گەشتی بازرگانی كەوتنەبەر هێرش


زاری كرمانجی- سۆران: لە نزیك كەنارەوەكانی وڵاتی ئیمارات، هێرش كرایە سەر 4 كەشتی بازرگانی كە دوو لە كەشتییەكان نەوتیان دەگوازتەوە.
حكومەتی ئیمارات رایگەیاندووە " لەلایەن چەند گروپێكی نەناسراوەوە هێرشكراوەتە سەر چوار كەشتی بارزگانی لە ئاوەكانی نزیك و زیانێكی زۆریان پێگەیشتووە".
دوێنی 12-5-2019، وەزارەتی دەرەوەی ئیمارات لە بەیاننامەیەكدا رایگەیاند" هێرشەكان هیچ زیانێكی گیانی لێ نەكەوتووتەوە، بەڵام زیانی مادی زۆر بەر كەشتییەكان كەوتووە".
لە بەیاننامەكەدا هاتووە " مەترسی لەسەر بازرگانی و جوڵەی كەشتییەكان لە ناوچەكە دروستكردووە".
دوای ئەم رووداوە، راستەوخۆ هەر یەك لە وەڵاتانی بەحرەین، سعودییە، میسر، عەمان و ئوردن داوای لێكۆڵینەوەی بە پەلە لە رووداوەكە و شێوازی هێرشەكە دەكەن.
لە لای خۆشیەوە وەزارەتی دەرەوەی سعودیە رایگەیاند" دوو لەو كەشتیانە سعودین و گوێزەرەوەی نەوتبوون و بەو كردارەش مەترسی لەسەر ئاسایشی بازاڕەكانی نەوتی جیهانی دروست دەبێت".
هاوكات ئێرانیش لە رێگەی ووتەبێژی وەزارەتی دەرەوە رایگەیاند" ئەو كردەوە نیشاندەری ئەوەن كە ناوچەی خەلیج ئاڵۆزە".
ئەم هێرشە لە دوای ئەوە هات كە پەیوەندییەكانی ئێران و ئەمریكا لە ناوچەكە بە تەواوی گرژبووە‌و ئێران هەڕەشەی داخستنی گەروی هورمزی كرد بە رووی كەشتییە بارزگانی و جەنگییەكاندا و لەبەرامبەردا ئەمریكا هەڕەشەی سەربازی دەكات لە ئێران دەكات.
حكومەتی بریتانیاش رایگەیاند " نیگەرانن لەو بارگرژییەی كەوتووتە نێوان ئێران و ئەمریكا".

 

زۆرترین بینراو