چۆن گرێ دەروونییەكانمان چارەسەر بكەین

اسما ابوبكر

 توێژەری كۆمەڵایەتی

هەمو مرۆڤێك ئەگەر توشی ئازارێك بوو، هەوڵی چارەسەركردنی دەدات، بەڵام چاكترین رێگا ئەوەیە كە بزانین ئەو ئازارە لە كوێوە هاتووە؟ هەمیشە مرۆڤی دەروون دروست لە كۆمەڵگەیەكی هۆشیار و بێ كێشە پەروەردە دەبێت، و راستەوخۆ یان ناراستەوخۆ لە هزر و رەفتارەكانی رەنگی دەواتەوە و كاریگەری هەیە لەسەر بەدیهاتنی ئامانجكانیان، بەڵام بە پێچەوانەوە لەو كۆمەڵگەیانەی كێشە و ناخۆشی و قەیران و جەنگ روویی تێكردوون مرۆڤ گەلێك لە هزروو رەفتار جیاواز پەروەردە دەبێت، بە شێوەیەك كاریگەرییەكی زۆر دروست دەكات لەسەر دەروون و ژیانە كۆمەڵایەتیەكەی، رۆژهەڵاتی ناوەراست بە تایبەتی كوردستان هەر لە زووە لەناو جەنگ و حوكمی زۆرداریی ململانی لایەنە جیاوازەكان بووە، بە حوكمی هەڵكەوتیی جوگرافی و بە پیتی و دەوڵەمەندیی خاكەكەی، هەموو ئەمانە كاریگەری راستەوخۆی هەبووە لەسەر ئارامیی و ئاسایشی كۆمەڵایەتی و دەروونی و ژیانی كۆمەڵایەتی تاكی كۆمەڵگەی كوردی، هەر لە زوەوە ئێمە روو بەڕوویی جەنگی ناوخۆی و دەرەكی بووینەوە وەك (جەنگی عێراق و ئێران ،عێراق و كوەیت، كیمیای هەڵەبجە، شەڕی داعش، تۆبارانی توركیا لەسەر ناوچە كوردییەكان ...هتد) كاریگەریی ئابووریی و كۆمەڵایەتیی لە دوایی خۆیی جێ هێشتووە وەك دروستبوونی قەیرانی ئابووریی و ئاوارە بوون، ئەمانە هۆكار گەلێكی زۆرن بۆ تێكدانی دەروونی تاك، دەرهاویشتەی زۆر خراپی دەروونی هەبووە بۆتە هۆیی (خەمۆكی، راڕایی و دودڵی...هتد) ئەمە جگە لەو دەرهاویشتە كۆمەڵایەتییە خراپانە وەك (دابران و تێكچونیی پەیوەندییە كۆمەڵایەتییەكان، زیاد بوونی كێشە خێزانییەكان و زۆریی تر) لێرە دەمەوەت جەخت لەسەر چۆنیەتیی دروستكردنیی كەشێكی دەروونی گونجاو بكەم بۆ تاكی كۆمەڵگە، لەگەڵ هەبوونی ئەو كۆمەلە گرفت و بەربەستانەیی دێنە بەردەمیی لە ماوەیی ژیانی، چۆن بتوانی بە ژیانێكی كەم تێی پەڕینی، گرینگە لە رووبەرو بوونەوەیی هەر كێشەیەكی كۆمەڵایەتی خێزانی یا كۆمەڵگەیی، كۆنترۆلی هەستەكانت بكەی لە توڕە بوون چونكە بە ئەگەرێكی زۆر لەوانەیە دەرئەنجامیی هەر كردەوەیەك لە ژێر كاریگەریی ئەم هەستە بە زیانێكی زۆرەوەە بشكێتەوە، بۆییە وا باشترە كۆنترۆلیی تۆرەبوونەكانت بكەیی لە رێگەی خۆسەرقاڵ كردن بە كاری ماڵەوە: ئەمە یەكێكە لەو چارەسەرانەی خانمان دەتوانن زیاتر سودیی لێ ببینن بۆ كەمكردنەوەی پاڵەپەستۆی دەروونی، دوركەوتنەوە لە رارایی و دوو دڵی. كتێب خویندنەوە: خوێندنەووە كاریگەریەكی ئەرینی هەیە لەسەر دەروونی خوێنەر بۆ هەردوو رەگەز سوودێكی زۆر باشی هەیە، هەم دورت ئەخاتەوە لە رارایی و قەلەقی و ئەتوانی هەستەكی خۆشت پێ ببەخشی .موسیقا: وەك گوێمان لێ بووە مۆسیقا یا گوێگرتن لە میوزیك خۆراكی روحە بە جۆرێك كاریگەریی زۆرە لەسەر ئارام كردنەوەی دەروون. وەرزش كردن: وەرزش یەكێكە لە بنما هەرە سەرەكییەكانی جەستەیەكی تەندروست لە بیرو دەروونێكی دروستەوە دێ، بۆ ئەوەیی دوور بكەویەوە لە جەستەیەكی لاواز و دەرونێكی شلە ژاو بەشێكی بچوكی رۆژەكەت بۆ وەرزش تەرخان بكە، پێویستە ئومێدێكی باش لە ناخمان بونیاد بنێین، تاوەكو بە هەموو لایەكمان ئەم قۆناغە سەختە تێپەرێنین هەوڵ بدەین تاكی تەندروست دروست بكەین تاوەكو كۆمەڵگەیەكی تەندروست بونیاد بنێین، هەروەك چۆن جاكسۆن براون دەڵێت( لە هیچ شتێكدا بێ هیوا مەبە، چونكە لەسەرانسەری جیهاندا رۆژانە هەزاران موعجیزە روودەدەن).

زۆرترین بینراو