چیایی محەممەد : نەهاتنی پاسی گەشتیاران بۆناو بازاڕی رواندز چەند هۆكارێكی هەیە

چیایی محەممەد : نەهاتنی پاسی گەشتیاران بۆناو بازاڕی رواندز چەند هۆكارێكی هەیە

زاری كرمانجی – رواندز 
چیایی محەممەد حەسەن، بەرپرسی بنكەی گەشتوگوزاری رواندز بۆ زاری كرمانجی گووتی" نەهاتنی گەشتیاران بەپاس بۆناو بازاڕی رواندز پەیوەستە بەچەند هۆكارێك لەوانە" نەبوونی گەراجێكی گەورەو بەرفراوان، ئەگەر بێت و یەك پاسی گەشتیاران بێتە ناو بازاڕی رواندز ئەوا قەرەباڵغێكی زۆر درووست دەبێت و ئەوكات گرفتی هاتووچۆ لەناو بازاڕ درووست دەبێت، هەروەها لەناو بازاڕ دووكان و شتێكی ئاوامان نییە تاكو سەرنجی گەشتیاران رابكێشێت، نەبوونی كافێشمان هەیە، كە كافێكی وابێت تا گەشتیاران بتوانن هەندێك كاتی لێ بەسەر ببەن، لەگەڵ نەبوونی مۆڵێكی وا تاكو گەشتیار بتوانێ ماوەیەك گوزەری لێ بكات.
بەرپرسی بنكەی گەشتوگوزاری رواندز، گووتیشی" ئەو  كۆمپانیانەی كە گەشتیاران دێنن، بەرنامەی تایبەتی خۆیان هەیە هەفتەی دوو رۆژ گەشتیار دێنن، رۆژانی دووشەممە و پێنجشەممە، كە دێن یەك ڕۆژ بۆ هەموو شوێنە گەشتیاریەكان تەرخان ئەكەن لێرە بۆ ئێوارە ئەگەڕێنەوە زیاتر لە بێخاڵ و تەلەفریك و شنگلبانە دەبن، دواتر گەر ویستیان شوێنی زیاتر ببین لە رێگەی كۆستەرەوە دەیان گوازنەوە بۆحەسەن بەگ و شوێنەكانی تر.
بۆ چارەسەری ئەم بابەتەش چیایی محەمەد گووتی " چارەسەر ئەوەیە كە دەبێت ئیدارەی شار و هاتووچۆ بیر لەوەبكەنەوە كە دەبێت لەناو بازاڕ گەراج هەبێت، بازاڕی رواندز بۆخۆی رووبەری كەمە ئەو ئۆتۆمبێلانەی دووكاندارو كڕیارو ئەو خەڵكانەی دێنە بازار كاتێك لەناو بازاڕ دەوەستن قەرەباڵغی درووست دەبێت، ئێمە زۆر مەبەستمانە گەشتیاران ببەینە سەرخەرەند لەبەر كەمی جێگەو نەبوونی گەراج ناتوانین ئەمەش بكەین چونكە ئاستەنگی هاتووچۆ درووست دەبێت.
لەسەر درووستكردنی دووكان و كافتریای وا لەناو بازاڕ كە لەگەڵ لایەنی گەشتوگوزار یەك بگرێتەوە، چیایی گووتی" زۆرجار باسی ئەوەمان كردووە و پێمان باشە كەوا بۆنموونە كافتریاێكی لەم جۆرە هەبێت، كەوا مێژوو فەرهەنگی رواندزی زیاتر تێدا رەنگبداتەوە كە تائێستا نەبووە.
لەناو بازاڕ دووكانی وامان نییە كەوا بەرهەمی ناوخۆیی ئەم دەڤەرە بفرۆشێت بەشێوەیەكی سەرنج راكێش بۆ ئەوەی گەشتیاران رووی تێبكەن، تائێستا بازاڕی رواندز ئەوتایبەت مەندییەی وەرنەگرتووە كەوا دووكانی لەم جۆرەی هەبن بۆ ئەمەش هانی خەڵكمان داوە كەوا دووكان و كافتریای لەم جۆرە دابنێن كەوا سەرنجی گەشتیار رابكێشێت بۆ وەڵامی ئەو پرسیارەش ئایە ناكرێت رۆژانی دووشەممە و پێنجشەممە رێگە بۆپاسەكانی گەشتیاران بكەنەوە لەناو بازار بۆ ئەوەی گەشتیاران بێنە ناو بازاڕی رواندز؟ بەرێوەبەری بنكەی گەشتوگوزاری رواندز گووتی " ئەمەش دەكرێت، بەڵام دەبێت بازاڕیش بەجۆرێك بێت، كەوا دووكان و ماركێت و كافێی وای تیدا درووست بكرێت، سەرنجی گەشتیاران رابكێشێت".

 

 

 

 

 

 

 

 

 

 

 

زۆرترین بینراو