چین و توێژێن شێلادزێ ب رێكا زاری كرمانجی بەحسێ رەوشا دەڤەرا خۆ دكەن

چین و توێژێن شێلادزێ ب رێكا زاری كرمانجی بەحسێ رەوشا دەڤەرا خۆ دكەن

رەمەزان هەرنی – شێلادزێ :

دەمێ چەندین سالایە خەلكێ شیلادزێ باجا پەكەكێ ددەن ل دەڤەرێ ژبەركۆ بەردەوام فرۆكێن توركیا دەڤەرێ بۆردوومان دكەن و ژبلی چۆلكرنا هەژمارەكا گوندێن دەڤەرێ چەندین وەڵاتیێن شێلادزێ شەهیدو بریندرابوونە .
مامۆستا سامی رێكانی ، ب زاری كرمانجی راگەهاند : ژ لایێ ئابووری ڤە كارتێكرنەكا مەزن گەهاندییە دەرامەتا دەڤەرێ نەخاسمە بەرهەمێن سروشتی مینا كەزان و كەنگروك و سماق و گویزا كۆ ساڵانە پتری هزار تەنێن وان بەرهەمان ب هەروە دچن وخەلك مفای ژێ نابینن ئەڤە ژی داهاتەكێ باشبوو بۆ ژین و ژیارا خەلكی ، ئاقارو دارێن بەرییێن ب دەهان گوندان سەر ب ناحیا شێلادزێ ڤە هاتینە سۆتن ژبەر بۆردومانا فرۆكێن توركیا و یا دوورە دەستە ژی كۆ خەلك بچیتن وی ئاگری ڤەمرینیتن و بویە دبیتە سەدەما ژناڤچووناوان. ژلایێ گەشتوگوزاری ڤە ئەڤە دەڤەرەكا گەشتیارییە چەندین جهێن خۆش یێن هەین زێدەباری هەبوونا دوو رووبارێن باش كۆ ئێك ژوان رووبارێ شینە و یێ دن ژی ئاڤاماركی ساڵانە ب هزارەها گەشتیار ژێ دبێ باران .ژلایێ شوینەواری ڤە ژی دەڤەرەكا زەنگینە وساڵ بوساڵێ یێ ژناڤ دچن وهند ژی بەر بۆردوومانێ دكەڤن .
رۆژنامەڤان ئیقبال عومەر دۆسكی ، ب زاری كرمانجی گووت: دوژمنێن گەلێ‌ كورد هەر د رابردوو و تا نها بزاڤكرینە كۆ دوو بەرەكیێ‌ دناڤ گەلێ‌ كورد و پارتێن سیاسی دا دروست بكەن و بزاڤێ‌ دكەن كۆ برایەتی و ئێكرێزیا گەلێ‌ كورد ژناڤ ببەن، نوكە دا بۆمە یا روهن ئاشكەرایە كۆ هندەك لایەنێن كوردی دخازن باشورێ‌ كوردستانێ‌ ژی بێخنە دبن كنترۆڵا دوژمنێن گەلێ‌ كورد دا بەلگەژی دەڤەرا ئامێدیێ‌ یە.
سنورێ‌ قەزا ئامێدیێ‌ ژ (348) گوندان پێك دهێن بۆ ماوێ‌ 29 ساڵانە سنوورێ‌ دەڤەرا ئامێدیێ‌ ژبەر هەبۆنا پارتا كرێكارێن كوردستانێ‌(پ ك ك) بوینە جهێن سەربازی و ژین و ژیارا خەلكی ل ئەڤان دەڤەرا كەفتیە بەر مەترسیێ‌، (پ ك ك) ل چەندین دەڤەرێن جۆدا جۆدا ئاكنجیبوونە و ژبەر ڤێ‌ چەندێ فرۆكێن توركیا د بەردەوامیا رۆژانێن خۆ دا ئەڤان دەڤەران بۆردوومان دكەت، زۆربەیا جاران ژبەر بەردەوامیا بۆردوومانكرنا ئەڤان گوند و دەڤەران خەلكێ‌ كوردستانێ‌ ب تایبەتی یێن دەڤەرا ئامێدێ‌ بوینە قوربانی یێن وان بۆردوومانان، دەڤەرێن(نێروە و رێكان و دوسكی ژوریا و زێبار و بەرواری ژوری و بەرێ‌ گارەی و نهێلی ئەو دەڤەرن یێن بنگەهێن(پ ك ك)لێ‌ ئاكنجیبووینە ، قەزا ئامێدیێ‌ ژ(348)گوندا پێك دهێت ژوان گوندان بتنێ‌(150)گوند ئاڤەدانن (198)گوند ژی د چۆلكرینە نوكە ژلایێ‌ پەكەكێ‌ ڤە هاتینە داگیركرن ل بن كۆنترۆلا وان دانە، نوكە سنوورێ‌ قەز ئامێدیێ‌ ب دەست پەكەكێ‌ و سوپایێ‌ توركیا بۆیە مەیدانا شەری ژبەر شەرو ئاڵوزی و تۆپبارانكرنا بۆ سەر دەڤەرێ‌ ژلایێ‌ توركیا و چەكدارێن پەكەكێ‌ ، خەلك ژ جهـ و وارێن خۆبێ‌ بەهر بۆینە 28 وەڵاتیێن ڤێ‌ دەڤەرێ‌ بۆینە ئارمانجا فرۆكێن توركیا و شەهید بوونە ، دەڤەرا ئامێدیێ‌ ب هەموو گوند و خۆڤە یا بەرهەڤە بەرهەمێن كشتوكاڵی لێ‌ بهێنە چاندن و كارێ‌ ب خودانكرنا ئاژەڵان، ئامێدیێ‌ یا گونجایە بۆ چاندن و ئاژەڵداریێ‌ و نكو یا پرە ژ رووبار و كانی و پاوانەكێ‌ زۆر و چیایێن بلند و بەفرین بەلێ‌ مخابن تاكو نوكە كشتوكاڵ ل دەڤەرا ئامێدیێ‌ نەهاتیەكرن ، دەڤەرەكە كۆ سروشتێ‌ وێ‌ بخۆ جهەكێ‌ گەشتو گوزاریە و یا پرە ژ جهێن ب ناڤ و دەنگ ل عیراقێ‌ وەك جهێن گەشت و گوزاری وەك گەلیێ‌ باڵندا و دەڤەرا رێكان بەرێ‌ گارێ‌ و هتد... كۆ بۆ هەرچار وەرزان خەلكێ‌ كوردستانێ‌ و عیراقێ‌ سەرەدانا ڤان دەڤەران دكر بەلێ‌ مخابن (پ ك ك)ە ل وان هەمی دەڤەران ئاكنجیبوونە و بەردەوام ژلایێ‌ توركیاڤە دهێنە بۆردوومانكرن كەسەك نەشیت سەرەدانا ڤان دەڤەران بكەت.
هونەرمەند عادل عەلی رێكانی ، بو زاری كرمانجی دیاركر : پەكەكە یابۆیە ستریەك بۆ پێن هەموو كوردان، پشتی گرتنا ئاپوی ستراتیچیەتا خۆ گۆهارتیە بەرامبەر پێشڤەچونێن كوردستانا باشور سەدەما هەبۆنا پەكەكێ هێزەكا چەكدارە ل پارچەیەكا دن یا كوردستانێ ژدایكبوویە و بۆیە سمبولەك بۆ ئازدكرنا كوردستانا باكور بو هەر گۆرانكاریەكا درێكا واندا گەلێ باشور بێ دوودلی دێ پاڵپشت و پشتەڤان بیت دخوازین ئەوژی ب چاڤەكێ مەزن بەرێ خۆ بدەن بەرخودان و دەست كەڤتێن گەلێ مە ژبەركۆ ب قوربانیەكا زێدە و خۆ گوریكرنا بەردەوام ب دەست گەلێ باشورڤە هاتیە رێزێ ل ئیرادا باشور بگرن، پەكەكە پارتەكا زۆردارە و زۆرداریا وێ یا گەهشتیە سەر هەستی هەبۆنا پەكەكێ ل سنورێ باژێرێ مە كارتێكرنا خۆهەبویە و گەلەك لایەنان بخوڤە دگریت هەر ژ قوربانی دانا گیانی و ژناڤ چوونا ژینگەهێ سوتنا پاوانێ دەڤەرێ و بێ باوەریا گەشتیاران بو دەڤەرێ ساڵانە ژ خواریا عیراقێ هەژمارە‌كا زۆر یا گەشتیاران قەستا دەڤەرا مەدكر و داهاتەكێ باش بۆ خەلكێ مە ژێ دهات ، پەكەكە هێزەكا نە یاسایی و دەستوریە لسەر ئاخا كوردستانێ لەورا هەبوونا وێ داگیركاریە و دڤێت گوندو دەڤەرێن مە چوول بكەت، كارتێكرنا خۆ لسەر هەمی سێكتەران هەبویە نەئارامیەكا زێدە ئێخستیە دلێ وەڵاتییاندا و ب رۆحیەتا جاران نەشێن بازرگانیێ بكەن ، قەستا جهـ و وارگەهێ باب و كاڵێن خۆبكەن و كرین و فرۆتن زۆر لاواز بویە، ژ ساڵا 2008 پشتی شكەستن و بنپێ كرنا پرۆسا ئاشتیێ ژلایێ پەكەكێ ڤە ل باكورێ كوردستانێ هاتیەكرن. دڤێت ئەم ژبیرنەكەین كو پرۆسا ئاشتیێ ل باكور ب دادڤانیا سەروك بارزانی هاتبوو دروستكرن، ب سەدەما توپ بارانكرنا دەوڵەتا توركێن رەگەز پەرست ل دەڤەرێ بویە سەدەما چۆلكرنا دەڤەرا نێروە رێكان و دوسكی ژوریا ب گشتی خەلكێ دەڤەرێ بەرب پارێزگەها دهۆكێ ڤە چووینە رێژەیەكا بەرچاڤ یا خەلكی كۆچكریە ژیانا باژێران. بیرو عەقیدەیا مە كاركرنە بۆ ئازادی و ئاڤاكرنا دەولەتا كوردستانێ . پەكەكە بەروڤاژی!
پارێزەرسەگڤان بەهجەت ، ب زاری كرمانجی راگەهاند : وەكی یا دیار كۆ ئەڤ توپبارانێن بەردەوام یێن باڵەفرێن توركیا بو سەر ناڤچەیێن سنووری یێن هەرێما كوردستانی ب گشتی وب تایبەتی قەزا ئامێدیێ وناحیا شێلادزێ دەڤەرا نێروە و رێكان بوینە ئەگەرێ هندێ كۆ زەرەرو زیانەكا مەزن بەر خەلكێ ڤێ ناڤچەیێ ب كەفیت بەهرا پتر یا خەلكێ ڤێ ناڤچەیێ خەلكەكێ رێنجبەر وجوتیارن ژین وژیارا وان ل سەر ڤان ناڤچەیانە لێ مخابنی ڤە دێ بێژن وخودان ڤان جه و وارا ژ جهێن خۆ هاتینە مەحروم كرن بڤێ چەندێ ژی زیانەكا ئابووری یا مەزن بەر خەلكێ ڤێ ناڤچەیێ دكەفیت، ژئالیەكێ دن ڤە كۆ بوارێ گەشتوگوزارێ ل ڤان ناڤچەیا ب تەمامی پەككەفتی یە وخەلك نەشیت سەرەدانا ڤان جها بكەت ل هەردەمەكی دا دهێتە چاڤەرێكرن ببنە ئارمانجا باڵەفرێن توركیا، ئەڤجا پێدڤی یە ئەڤە وەك ئەركێ حكومەتا ناڤەندی ب هەم ئاهەنگی دگەل حكومەتا هەرێمێ پێدڤی ب رژدی ل سەر ڤی بابەتی راوەستن دگەل توركیا داكو هەرشێن خۆ بۆ سەرڤان ناڤچەیا راوەستن داكو بەس خەلكێ ڤان ناڤچەیا ببیتە قوربانی، قەرەبویا خەلكێ ڤێ دەڤەرێ بهێتەكرن ژبەر وان زەرورە زیانێن بەردەوام ب خەلكێ ڤێ دەڤەرێ دكەفن و ، داخوازیا مە وەك خەلكێ شێلادزێ ئەوە كۆ پارتا كریكارێن كوردستانی پەكەكە رەچاوا بارودۆخێ هەرێمێ و ڤان دەڤەرا بهێتەكرن داكۆ نەبنە بەهانە بۆ هێرشێن توركیا بۆ سەر ڤان دەڤەرا.

 

زۆرترین بینراو