چەند كارمەندێكی یەكێتی دەستگیركران

چەند كارمەندێكی یەكێتی دەستگیركران


لە سنووری باڵەكایەتی چەند كەسێكی یەكێتی كە كارمەندی هێزەكانی ئاسایش و پێشمەرگەن، بەتۆمەتی بردنی كەلوپەلی قاچاغ بۆ چەكدارانی پەكەكە، دەستگیردەكرێن.
سەرچاوەیەكی ئەمنی ئاگادار لەمبارەیەوە بە زاری كرمانجی راگەیاند" ئەمساڵ لە سنووری باڵەكایەتی چەند كەسێك لەلایەن هێزەكانی ئاسایشی ناوچەكە دەستگیر كراون، بەتۆمەتی هاوكاریكردنی چەكدارانی پارتی كرێكارانی كوردستان (پەكەكە) لەناویشیاندا كەسانی لایەنگر و ئەندامان و ئەفسەرانی یەكێتی نیشتیمانی كوردستان هەن".
ئەو سەرچاوەیە لەبەر پێگەكەی نەیویست ناوی بنووسرێت، زیاتر گووتی" نزیكەی دوو مانگ بەر لە ئێستا كارمەندێكی ئاساییشی چۆمانی سەر بە یەكێتی كە پاسەوانی بارەگای كۆمیتەی چۆمانە بەناوی (م،خ،ع) بەتۆمەتی بردنی كەلوپەلی قاچاغ بۆ هێزەكانی پەكەكە لە سنووری گوندی گوندەژۆری سەر بە ناحیەی حاجی ئۆمەران لەلایەن هێزەكانی ئاسایش دەستگیركراوە و ئێستاش لە بەندیخانەیە".
گووتیشی" پێش دەستگیركردنی ئەو كارمەندەی ئاسایشی یەكێتی، دوو كەسی دیكە كە دانیشتووی رانیە بوون لە گوندی ئاڵانەی سەر بە حاجی ئۆمەران دەستگیركران بەهەمان تۆمەتی بردنی كەلوپەل بۆ هێزەكانی پەكەكە لە سنوورەكانی نێوان هەرێمی كوردستان و ئێران، ئەو دوو كەسەش پێشمەرگەی یەكێتی بوون".
سەبارەت بە كەلوپەلە قاچاغەكان، ئەو سەرچاوەیەی زاری كرمانجی گووتی " زۆرجار كەلوپەلەكان لە خواردن و پێداویستی دیكەی جلوبەرگ و سووتەمەنی و پێداویستی خانوو پێكدێت، بەڵام دواتر سەر دەكێشێت بۆ بردنی چەك و تەقەمەنی و ئەو داخوازییانەی كە چەكدارانی پەكەكە لەو كەسانە هەیانە".

 

زۆرترین بینراو