چەند نابیانەیەكی رۆژهەڵاتی كوردستان گەیشتنە سەر لوتكە چیایی هەڵگورد

چەند نابیانەیەكی رۆژهەڵاتی كوردستان گەیشتنە سەر لوتكە چیایی هەڵگورد


چەند ئەندامێكی گروپی شاخەوانی گۆپاڵی سپی رۆژهەڵاتی كوردستان، بە بەشداری (3) كەسی نابینا، بە رێبەرایەتی گروپی شاخەوانی هندرێن و كۆمەڵێك لە شاخەوانی باشوری كوردستان، بەسەر لوتكە چیایی هەڵگورد كەوتن.
كارۆخ عەلی، سەرۆكی گروپی شاخەوانی هەندرێن، رایگەیاند " لەبەردەوامی گەشتە شاخەوانیەكانماندا پێشوازیمان كرد، لە گروپی شاخەوانی گۆپاڵی سپی رۆژهەڵاتی كوردستان، كە ژمارەیان نۆ كەس بوو لەشاری سنەوە، هاتبوون بەمەبەستی گەیشتن بە سەر لوتكە چیایی هەڵگورد لە دەڤەری باڵەكایەتی، ئێمەش وەك كۆمەڵێك لە شاخەوانی باشوری كوردستان هاوكاریان بووین بۆ ڕێبەری گەشتەكە، چونكە شارەزای تەواومان لە رێڕەوی سەركەوتن و هاتنە خوارەوەی لوتكە چیایی هەڵگورد هەیە".
گووتیشی " تایبەتمەندی و جیاوازی ئەم گەشتەمان لەوەدابوو، كە یەكەمینجارە (3) كەسی نابینا كە بریتی بوون لە پیاو ئافرەت، لەگەڵ گروپی شاخەوانی شاری سنە لە رۆژهەڵاتی كوردستان هاتبوون، توانیان سەركەوتووانە بەسەر لوتكە چیایی هەڵگورد بكەون، دوای مانەوەمان بۆ ماویەك و ئاشناكردنی ئەندامانی گروپەكە بە سروشتی شوێنەكە، كۆتایمان بە گەشتەكە هێناو گەڕاینەوە.

زۆرترین بینراو