ڕاگەیندراوێك لە ژووری ئۆپەراسیۆنی قەزای سۆران

ڕاگەیندراوێك لە ژووری ئۆپەراسیۆنی قەزای سۆران

زاری كرمانجی - سۆران :ئەمرۆ 29ی حوزەیرانی 2020 لە ئەنجامی كۆبوونەوەی ژووری ئۆپەراسیۆنی قەزای سۆران بەسەرپەرشتی كرمانج عزەت قایمقامی قەزای سۆران و بەئامادەبونی تەواوی ئەندامانی ژووری ئۆپەراسیۆنی سۆران، بەمەبەستی دارشتنەوەی رێنماییەكانی پارێزگای هەولێر بەو مەبەستەی گونجاو لەگەڵ ناوچەكەداو خۆ ئامادەكردن بۆ قەدەغەی هاتووچۆی تەواو لە 30ی حوزەیران تاكو 4ی تەمووزی 2020 ، دوابەدوای گفتوگۆی تێروتەسەل لە كۆتایدا گەیشتنە ئەو رێككەوتنە بۆ جێبەجێ‌ كردنی رێنماییەكان بۆ بەرەنگاربوونەوەی پەتای ڤایرۆسی كۆرۆنا لەناوچەكەدا.
یەكەم: ئەم بڕیارانە لە كاتژمێر 12ی شەوی 29 لە سەر 30 ی 2020.6 تاوەكو كاتژمێر 12ی شەوی 2020.7.4 دەكەونە بواری جێبەجێكردنەوە.
دووەم: رۆژانە لە كاتژمێر (6)ی بەیانی تاوەكو (12)ی شەو، هەموو جۆرە هاتووچۆیەك لە تەواوی سنوری قەزای سۆران لەگەڵ سەرجەم پارێزگاو قەزایەكانی دەوروبەریەوە قەدەغەیە، جگە لەتیمە تەندروستییەكان، هێزە ئەمنییەكان، ناوخۆ، ئەمبوڵانس، دیپلۆماتكاران، ئەوانەی لەئەركی فەرمیدان، فەرمانگە خزمەتگوزارییەكانی بەرگری شارستانی، ئاو، كارەبا، شارەوانی باخچەو پاركەكان، كۆمپانیاكانی خاوێنكردنەوەی شار..
سێیەم: ژووری ئۆپەراسیۆنی قەزای سۆران بۆ بەرەنگاربوونەوەی ڤایرۆسی كۆرۆنا، وەك كارئاسانی بۆ هاوڵاتیان و پێویستییەكانیان، ڕێگەی داوە بەو شوێن و ئۆتۆمبێلانە لە ڕۆژانی قەدەغەی هاتووچۆ كارو ئەركەكانییان بەجێ بگەێنن و كراوەبن.
_ سەمۆنخانەو نانەواخانەكان
_ ماركێتی گەڕەكەكان.
_ دوكانی فرۆشتنی سەوزە و میوە.
_ دوكانەكانی ماست فرۆش و بەرهەمەكانی شیر.
_ گومرگی سەرەكی فرۆشتنی سەوزە و میوە.
_ ئۆتۆمبێلەكانی دابینكردنی كەل و پەلی ماركێتەكان.
_ ئۆتۆمبێلی گەیاندنی دەرمان بۆ دەرمانخانەكان.
_ دەرمانخانەی ئێشكگر.
_ ئوتۆمبێلی فرۆشتنی غازی ماڵان.
_ تەنكەری گواستنەوەی گازی مولیدەكان.
_ كۆمپانیای پەیوەندییەكان. _ خاوەن مۆلیدەو كارپێكەری مۆلیدە تەنها لەكاتی داگیرساندن و كوژاندنەوە دەتوانن هاتووچۆ بكەن.
_ ئەو قوتابیانەی لە تاقی كردنەوەدان بەمەرجێك ناسنامەی تاقیكردنەوەیەان لابێت.
_ تەواوی ئەو پێشمەرگانەی لە ئەركدان و بەدل دەبن.
_ گاودارو باغەوان پێش كاتژمێر 6ی بەیانی دەردەچن و پێش حەوتی ئێوارە بگەرێنەوە، بەو مەرجەی لە بازگەكان ناوەكانیان تۆماربكەن.
_ گۆشتفرۆش و مریشك فرۆش لەكاتژمێر ٦ی بەیانی تاكو ١ی دوا نیوەرۆ كراوەدەبن بەمەرجی خۆپارێزی و تەندروستی.
_ تەواوی كارمەندانی میراو. ئەوانەی رۆژانە ئاوی مالەكان بەردەدەنەوە.
چوارەم: لە كاتژمێر (12)ی شەو تاوەكو (6)ی بەیانی(كارمەندانی ڤێتەرنەری بۆ كێڵگەكانی پەلەوەر، گۆشتگەو سەربرخانەكانی (ئاژەڵان و پەلەوەر)، دەواجن، جووتیاران، هەنگەوانان، ئۆتۆمبێلی كشتوكاڵی، ئۆتۆمبێلی گواستنەوەی ئاژەڵان) و هەر حاڵەتێكی دیكەی پێویست بۆیان هەیە هاتوچۆ بكەن.
پێنجەم: تاوەكو 2020.7.4، هاتوو چۆی قەزای سۆران لەگەڵ سەرجەم پارێزگاكانی هەرێمی كوردستان، بە تەواوەتی ڕادەگیرێت و رێگە بە هیچ كەسێك و بۆ هیچ مەبەستێك نادرێت بێتە ژوورەوە بۆ ناو شاری سۆران.
شەشەم: لەكاتی دابەشكردنی مووچەی فەرمانبەران، فەرمانبەرو كارمەندانی هەر وەزارەتێك دەتوانێت مووچەكەی خۆی بەپێی میكانیزمی وەزارەتەكەی كە بۆ دیاریكردووە مووچە وەربگرێت.
حەفتەم: راگەیندكــار تەنها لە سنووری قەزای سۆران بۆی هەیە ڕۆماڵ بكەن، ڕێگە دراونین لە پارێزگایەكی ترەوە بێت بۆ قەزای سۆران بۆ ڕوماڵكردن.
ھەشتەم: تەواوی ئەو شوێنانەی یا ئەو ئۆتۆمبێل و كارگەرانەی رێگا پێدراون، دەبێ مەرجەكانی تەندروستی و رێنمای خۆپارێزی تەواو جێبەجێ بكەن، بەپێچەوانەوە رووبەرووی سزای یاسایی دەبێتەوە.

ژووری ئۆپەراسیۆنی قەزای سۆران

زۆرترین بینراو