ڕۆڵی وەرزش لە پێكەوە ژیانی گەلان

ڕۆڵی وەرزش لە پێكەوە ژیانی گەلان

 

كەمال یوسف

وەرزش ڕۆڵێكی گەورە دەبینێ بۆ ناساندنی گەلان و لەیەكتر نزیك كردنەوەی نەتەوەكان و تەنانەت زۆر جاریش دەبێتە هۆی كوژاندنەوەی ئاگری شەڕێگی گەورەی نێوان وڵاتان و بەرپاكردنی ئاشتی و گفتووگۆ..
ئەوەتا هەردوو وڵاتی كۆریا(باكوورو باشوور)دوای ناكۆكیەكی گەورەی نێوانیان و گرژی و ئاڵۆزی پەیوەندیەكان بینیمان لە ئۆڵۆمپیادی زستانەی ڕابردوو لەژێر یەك ناوو یەك ئاڵا بەشداریان كردو یاریزانەكانیان دەستلەملانەی یەكتری بوون هەر ئەوەش وایكرد ڕێگا خۆش بكرێ تا دوای شەستو پێنج ساڵ سەرۆكی كۆریای باكوور سەردانی كریای باشووری كردو هەنگاویان نا بەرەو ئاشتی و پێكەوە ژیان.
جۆرج ویا یاریزانی هەڵبژاردەی لیبریا بوو لە ئەوروپاش لەچەند یانەیەك یاری كرد دواتریش خۆی بۆ پۆستی سەرۆكی ووڵاتەكەی كاندید كردو ئێستا سەرۆكی وڵاتە.
ساموێل ئیتۆی یاریزانی هەڵبژاردەی كامیرۆن و چەند یانەیەكی ئەوروپا بەو ناوەی كە هەیەتی بۆتە باڵوێزی وڵاتی قەتەر بۆ مۆندیالی داهاتوو.
ئەمڕۆش لە ئەوروپا باسی گەرمی ڕۆژنامەو كەناڵەكان لەسەر یاریزانی میسری و یانەكانی ڕۆماو لێڤەرپۆل (محمد سەڵاح)ە كەئەویش توانیویەتی بە وەرزش و یاری تۆپی پێ نموونەیەكی جوان بێ لە یاریگاكانی ئەوروپا.لەكۆتایی دادەڵێم وەرزش باڵێۆزێكی راستەوخۆی گەلانەو یاریزانان و وەرزشوانان دەتوانن بە پێشكەش كردنی ئاستێكی بەرزو خوڕەوشتێكی جوان ببنە نوێنەری یانەو وڵاتەكانیان تا ئەوەی بە شەڕو دانوستان ناكرێت وەرزش تەواوی بكات.بۆیەئەو هەڕەشانەی ئێستا لەلایەن ئەمەیكاو وڵاتان بۆ سەر ئێران دەكرێ كە لەوانەیە هەڕەشەیەكی گەورەبێ بۆ ناوجەكە بەگشتی بۆیە لێرە ڕۆلی وەرزش دێتە گۆڕێ و وەرزشوانان دەتوانن بە پەیامی خۆیان نەیەڵن ئاگری شەڕە بلێسە بسێنێ بەڵكو دایبمركێننەوەو تاوەكو هەموو لایەك بەخۆشی و شادی و دوور لەشەڕو ماڵ وێرانی بژین.

زۆرترین بینراو