ژمارەیەك قوتابی پۆلی 12 ەی ئامادەیی ناڕازین 

ژمارەیەك قوتابی پۆلی 12 ەی ئامادەیی ناڕازین 

محەممەد مەحموود- زاری كرمانجی 
عەبدولغەفارعومەر ئەحمەدك نوێنەرایەتی ژمارەیەكی زۆر لە قوتابییانی پۆلی 12ەی ئامادەیی دەكات بۆئەوانەی ناویان لە خۆیان ناوە قوتابییانی ناڕازی، لە دیمانەیەكی تایبەتی زاری كرمانجیدا لە رێگەی چەند خاڵێكەوە داواكاری خۆیان دەگێنە وەزارەتی پەروەردە، لەسەرەتای قسەكانی گووتی "ئێمە وەكو قوتابییان و خوێندكارانی ناڕازی، ئاگاداری دەروونی خوێندكاران و نارەزایەكانی خوێندكارانین.بۆیە داوا لە وەزیری پەروەردە دەكەن كە لە خولەكی سفر بڕیار نەدات و ئێستا بڕیار بدات ، تاوەكو سترێس نەمێنی لەسەر قوتابییان بۆیە بەباشی دەزانین ئەم خالاِنە بخەینە روو
1- داخڵ كردنی تەواوی پڕۆگرامەكان كە لای هەمووان ڕوونە تەواو ناكرێت بڕیارێكی هەڵەیە و داوا دەكەین ئێستا بڕیار بدات كە لەسەدا چەندی پڕۆگرام داخڵە، نەك لە كۆتاییەكەی ئەو بڕیارە بدرێت  تا مامۆستایان پەلە لە خوێندكاران نەكەن و بەتەواوی لە بابەتەكان تێبگەن
2- رێگەپێدانی خوێندكاران بۆ خوێندنی وزاری تەنها بۆ  27ڕۆژە و كاتێكی زۆر كەمە كە ناڕەزای زۆری لەسەرە و داوا دەكەین ماوەكەی زیاد بكرێتەوە بۆ 40 ڕۆژەكەی پێشتر.
3- تاقیكردنەوەی وزاری رۆژێك نا رۆژێكە،ئەمەش قوتابییان ناتوانن بە رۆژێك پێداچوونەوە بكەن بۆبابەتەكان ، بۆیە داواكارین هەفتەی دوو تاقیكردنەوە ئەنجام بدرێ تاوەكو قوتابییان بتوانن پێداچوونەوەیەكی باش بكەن.
4-بەو پێیەی خشتەی تاقیكردنەوەكانی پۆلە ناكۆتاكان دانراوە كە مانگی 11خوێندن كۆتایی دێت و مانگی یەكی ساڵی داهااتوو خوێندنی 2021-2022دەست پێدەكات دووبارە سیستەمی خوێندن تێك دەچێت و پۆلەكانی 12 و 9 ساڵی داهاتووش هەمان كێشەی ئەمساڵیان دەبێت و وە هیچ كاتێك لەبەردەستی خوێندكاران نابێت بۆ كردنی خولەكانی بەهێز كردن و خۆ ئامادەكردن بۆ ئەو قۆناغە.
5- وتوووێژ كردن لەگەڵ هەموو مامۆستایانی پۆلی12 بەوەی بزانن ئاخۆ لەو ماوەی لەپێش دەستیانە دەتوانن چەندێك پڕۆگرامەكان تەواو بكەن ، لەسەر ئەوە پڕۆگرامەكان كەم بكەنەوە و 27 ڕۆژەكە وەكو خۆی بمێنێتەوە ( كەئەمەش لەسوودی خوێندكارانی تەحسین و یەك و دوو بابەتییە)
6-خوێندكارانی پارێزگاكانی سلێمانی و هەڵەبجە و ئیدارەی ڕاپەرین كەدیسان زەرەرمەندی گەورەن لەچاو خوێندكارانی پارێزگاكانی تر، لەزۆر قوتابخانە یەك هەفتە دەوام كراوە لەوانەی تریش تەنها پەڕێكیش نەخوێندراوە و دەبێت لە بڕیارەكانتان بیرێك لەوانیش بكەنەوە كە زەرەرمەندی سەرەكین پێش پارێزگاكانی تر، لانی كەم ئەوانی تر هیچ نەبێ مانگێك دەوامیان كردووە 
بۆیە دەبێت بڕیارەكانتان بەپێی ئەو خوێندنەبێت كە لەو پارێزگایانە هیچ نەخوێندراوە و لەبەرژەواندی ئەوانیش بێت. 
عەبدولغەفار لەبەشێكی تری قسەكانی بۆزاری كرمانجی گووتی " ئێستا خوێندكارانی پۆلی 12 كە لە قۆناغێكدان داهاتوویان دیاری دەكەن لە دڵەڕاوكێیەكی  زۆردان لەبەر ئەو هۆكارانەی لە سەرەوە باسكران، بۆیە خوێندن ئاوا ناكرێت بەم قەلەقی و بێزاریەوە و وەك ئاگادارین خوێندكار هەیە ئەمساڵ بەتەمانیە بچێتەوە قوتابخانە لەبەر بڕیارەكانتان و خۆی دەهێڵێتەوە بۆ ساڵیكی تر بەو هیوایەی ساڵیكی تر باشتر بێت.
لەكۆتایی قسەكانی دا نوێنەری قوتابییە ناڕازییەكان رووی كردە وەزیری پەروەردەو پێی گووت" داواكارین لەبەرێزتان گۆڕانكاری لە بڕیارەكانتان بكەن تاوەكو لایەنی كەم خوێندكار بەهیوایەكی گەشەوە دەوام بكات و رزگار بێ لەم دوودڵیە، بۆیە ئەم هاشتاگەشمان داناوە 
#بەڵێ_بۆ_كەمكردنەوەی_ پڕۆگرام
#بەڕێز_وەزیری_پەروەردە_خوێندكارانی_پۆلی12_ناڕازین_لەم_پلان_وخشتەیە

زۆرترین بینراو