ژووری ئۆپەراسیۆنی ڤایرۆسی كۆرۆنا لە قەزای چۆمان راگەیەندراوێكی بڵاوكردەوە

ژووری ئۆپەراسیۆنی ڤایرۆسی كۆرۆنا لە قەزای چۆمان راگەیەندراوێكی بڵاوكردەوە

زاری كرمانجی – چۆمان: ژووری ئۆپەراسیۆنی رووبەرووبوونەوەی ڤایرۆسی كۆرۆنا لە قەزای چۆمان راگەیەندراوێكی بڵاوكردەوە هاتووە، ماڕكێت و دوكاندارو شوێنە بازرگانییەكان رێگەیان پێدەردێ رۆژانە كراوە بن ، بە مەرجی جێ بەجێ كردنی رێنماییە تەندروستیەكان لە بەستن ماسك و لە دەست كردنی دەست كێش و دروست نەكردنی قەلەبالغی لە شوێنە گشتیەكان.
دوای كۆتایی هاتنی قەدەغەی هاتووچۆی گشتی لە سنوری قەزاكەمان، كە بەپێی بڵاوكراوەی ژمارە 3ی 29/6/2020 لە سنوری قەزاكەمان، بۆ جێ بەجێ كردنی رێككاری نوێ، كە لەلایەن ژووری ئۆپەراسیۆنی پارێزگای هەولێر بەمەبەستی خۆ پارێزی و خود پارێزی لە پێناو رووبەڕووبوونەوەی نەخۆشی ڤایرۆسی كۆرۆنا بریاری لەسەر درا، بەمەبەستی جێ بەجێ كردنی رێككارەكان لە سنوری قەزاكەمان ژووری ئۆپەراسیۆنی ڕووبەڕووبوونەوەی نەخۆشی ڤایرۆسی كۆرۆنای قەزاكەمان لە رۆژی شەممە رێكەوتی 4/7/2020 لە دیوانی قائیمقامیەتمان كۆبوونەوەیەكی ئەنجام دا دوای گۆڕینەوەی بیرو ڕای ئەندامانی ژوور بڕیاردرا ئەو بریاڕانەی خوارەوە لە سنوری قەزاكەمان و ناحیەكانی (سمیلان /گەڵالە /قەسرێ /حاجی ئۆمەران ) لە كاتژمێر 12ی شەوی 5/7/2020 وەك خۆیان جێ بەجێ دەكرێن.
1- ماڕكێت و دوكاندارو شوێنە بازرگانییەكان رێگەیان پێدەردێ رۆژانە كراوە بن ، بە مەرجی جێ بەجێ كردنی رێنماییە تەندروستیەكان لە بەستن ماسك و لە دەست كردنی دەست كێش و دروست نەكردنی قەلەبالغی لە شوێنە گشتیەكان، لە كاتژمێر 8ی شەوتا 5 ی بەیانی دادەخرێن و ڕێگە بەهیچ دوكاندارێك نادرێت لەو ماوەیەدا كراوە بن.
2- مزگەوتەكان و هۆڵی بۆنەكان و دانانی پرسە و كافێكان و چایەخانەكان و مەلەوانگەو شوێنە گەشتیارییەكان بەداخراوی دەمێننەوە.
3- نانەواخانەكان و سەمونخانەكان بە جێ بەجێ كردنی رێنماییە تەندروستییەكان كراوە دەبن.
4- چێشتخانەكان و ساردەمەنییەكان چایەخانەكان و خواردنگە خێراكان بەمەرجی فرۆشتنی خواردن بە دیلڤەری و چاو شەربەت و بەگڵاسی سەفەری دەتوانن كراوە بن بە جێ بەجێ كردنی رێنماییەكانی تەندروستی .
5-شوێنە گەشتیارییەكان بەداخراوی دەمێننەوە و گروپی گەشتیاری و گروپی شاخەوانی لە شارەكانی تر بەهیچ شێوەیەك رێگەیان پێ نادرێت بەمەبەستی گەشتی شاخەوانی و گەشتیاری بێنە سنوری قەزاكەمان و هەرچوار ناحیە.
6- نوێژی بەكۆمەڵ و خوێندنەوەی وتاری رۆژانی هەینی لە هیچ مزگەوتێك ئەنجام نادرێت تا رێنمایی نوێی لە پارێزگاوە بۆ دەرنەچێت.
7- لیژنەی ئابووری قەزای چۆمان و لیژنەكانی تەندروستی و لیژنەی رێككاری ناو بازاڕ بەردەوام دەبن لە كاردانەوەی یاسایی بەرامبەر ئەو شوێن و كەسانەی كە پابەندی رێنماییەكان نابن، بۆ ماوەی یەك هەفتە دادەخرێن.
8_ ڕۆژانی هەینی جگە لە دەرمانخانە و نانەواخانەكان هیچ شوێنێك ڕێگە پێدراو نییە بۆ كردنەوە و دادەخرێن.
9_ دەوامی فەرمانگە حكوومییەكان لەسنوری قەزاكەمان لەڕۆژانی یەك شەممە تا چوار شەمم كاتژمێر 9 تا 1 دوای نیوەڕۆ دەبێت بەپێی پێویستی فەرمانگە حكومییەكان فەرمانبەران دەوام دەكەن بەڕێژی لە 30٪ وە دەبێت فەرمانبەران و هاووڵاتیان پابەندی بەستنی ماسك و لەدەست كردنی دەست كێش بن لەكاتی دەوامی فەرمی.

زۆرترین بینراو