ڤیستیڤاڵی وەرزشی پەروەردەی رواندز ئەنجام دەدرێ

ڤیستیڤاڵی وەرزشی پەروەردەی رواندز ئەنجام دەدرێ

 

زاری كرمانجی-رواندز: دوای ئەوەی لە دیمانەیەكی هەفتەنامەی زاری كرمانجی چنوور مەزهەر بەڕێوەبەری پەروەردەی رواندز, بەڵێنی بە قوتابیانی سنووری قەزای رواندزدا بۆ ئەنجامدانی ڤیستیڤاڵی ساڵانەی وەرزشی, مامۆستا حوسێن حەسەن مەلا بەرپرسی بەشی چالاكی وەرزشی و دیدەوانی لە پەروەردەی رواندز گووتی" دیارە ئێمە لە بەشی چالاكی وەرزشی و دیدەوانی پەروەردەی ڕواندز، ساڵانە بەرنامەو پڕۆگرامان هەیە بۆ قوتابخانەكانی سنوری بەڕێوەبەرایەتیەكەمان كە خۆی دەبینێتەوە لە یاریە ڕێكخراوەكان لەوەرزی یەكەم و سەرەتای دەوام، یارییەكانی گۆڕەپان و مەیدان یاخود بڵێین ڤیستیڤاڵی وەرزشی لە وەرزی دووەم كۆتایی دەوام، بەڵام بەپێی ئەو واقیعەی كە لەكوردستان هەبوو، لەقەیرانی دارایی و ئەو بارە سەختەی هەموو جومگەكانی هەرێمی كوردستانی گرتەوە، وەرزشیش بێبەش نەبوو لەو بارە سەختە، دەتوانم بڵێم وەرزش تا راددەیەك دواكەوت, بۆیە ئێمە دوا كارو چالاكی كردبێتمان پێش قەیرانەكە دەگەڕێتەوە بۆ ساڵی 2013 لەدوایی ئەو رێكەوتە لەسەر ئەركی خێرخوازان و خوا پێداوان بوو, پێشتر چالاكیمان ئەنجامداوە جگە لە ڤیستیڤاڵی وەرزشی ئەویش خەرجیەكی زۆری دەوێت و شوێنكی شیاویشی دەوێت، بۆ وەبیر هێنانەوەش دوا ڤیستیڤاڵمان لە ساڵی 2013 بووە, لەگەڵ دەست بەكاربوونی مامۆستا چنوور بەڕێوەبەری پەروەردەی نوێ، ساڵی پار بەڵێنی دا ڤیستیڤاڵی وەرزشی ئەنجام بدەین، خەریكی ئامادەكاری بووین سەردانی یاریگەی بانەزێوكمان كرد بەڵام بەهۆی بۆن و پیسایی ئاژەڵ و مەڕو ماڵات كە بەداخەوە یاریگەكە بۆتە مەیدانی ئاژەڵان, بۆیە نەمانتوانی ئامادەكاری بكەین و گۆڕەپانی یاریگە شیاو نەبوو. خۆشبەختانە بەڕێوەبەری پەروەردە ئەمساڵیش بەڵێنی داوە ڤیستیڤاڵی وەرزشی ئەنجام بدەین، بەڵام ئەویش دەكەوێتەوە سەر ئەوەی چۆن و بەچ شێوازێك یاریگیی نێودەوڵەتی بانەزێوك خاوێن بكرێتەوەو چاك بكرێت، لەبەر ئەوەی كەم و كورتی یەكجار زۆرن هەر لەخاوێن كردنەوەی تەواوی شوێنی دانیشتنی خەڵك و ژوورەكانی ناوەوە كەوا پڕن لەزبڵ و پاشماوەكانی مەڕو ماڵات تا دەگاتە ناو گۆڕەپانی یاریگە وێرانەیە هەمووی پێوێستی بەچاك كردن و خاوێن كردنەوەی زۆرباش هەیە كە شیاوبێت بۆ ڤیستیڤاڵ و میوانداری كردنی خەڵك".

زۆرترین بینراو