گرفتە باوەكانی سەردەم "بێ كاری"

ئازاد محەممەد بەرگركەیی

لەهەر وڵاتێك ڕێژەی بێ كاری لەئاستێكی بەرز دابێ، مانای ئەوە دەگەینێت ئەم وڵاتە شلوقی و بێ بەرنامەیی وكەموكوڕی لەكار وپڕۆژەكانیدا هەیە، بێ كاری دەروازەو سەرچاوەی هەموو نەهامەتیێكە.
كوردەواری خۆمان ئەڵێ دزی و شەلوار پیسی نەبێ هیچ ئیشێكی تر نەنگی وشورەیی نییە، چونكە سواڵكردن ودەست پانكردنەوە لەبەر دەرگاو دەستی خەڵك خراپترین ئیشێكە مرۆڤ ئەنجامی دەدات، هەركەسێ بەجدی لەدوای ئیش بێ ئیشێكی هەر دەستەكەوێ و دەستی لەكارێك هەر گیرەبێ، بەڵام بەداخەوە ئێمە فێری ئەوەبووین ئیشێكی ئاسانمان دەست كەوێ بەپارەیەكی زۆر كەچی لەهیچ وڵاتێك ئەم شتە نییە بەكاتژمێر و ماندووبوونە چەندە ماندووتر بی وكاتژمێری زیاد ئیش بكەی پارەت زیاترە، ئەو دەست بەتاڵیەی ئیمڕۆ ڕووی لەگەنجەكانمان كردوە مەترسییەكی گەورەو دواڕۆژێكی خراپی لێ چاوەڕوان دەكرێ، جێی داخ وئەسەفە گەنج لەهەرەتی لاوێتی ولە لوتكەی هێزوی بازویدا بێ، كەچی بێ پلان وخەون وخولیا ڕۆژ بەڕێ ئەكا شەوو ڕۆژ سەرقاڵی یارییە ئەلیكترونییەكان وئاڵودەی تۆڕە كۆمەڵاتیەكانە، هەتا بگرە پارەی جگەرەو خەتی ئەنتەرنێت و شتومەكی هەر لەباوكی وەردەگرێ لۆ بەسیترین پێداویستی چاوی لەدەستی باوكیەتی، بەڕاستی عەیبە گەنج لەماڵ بێ، باوكی كرێكاری بكاو ئەویش تادرەنگانێكی رۆژ سەرلەبن جێگای خەوتن نەهێنێتەدەر، باشە باب بەخێویكردووە مەسروفی كردووە تاخوێندنی تەواو كردوە، دوایی ژنیشی بۆهێناوە هێشتا چاوی هەر لەباوكیەتی، دەی تخوا كاتی ئەوە نەهاتووە ئینجا سڕەی تۆبێ وتۆ باوكت بەخێو بكەی ئەو پشو بدات، پیاوی واهەیە سێ چوار كوڕی گەنجی لەماڵەوەیە كەچی خۆی كارەكات و تەواوی خەرجی لەسەر ئەستووی ئەوە، گەنجی ئەمڕۆ زار هەڵدێنێ و دادێنێ دەڵێ ئیش نییە، بەڵام كەسێ بیەوێ كار هەردەبێ، شەرت نییە هەر كاری وەزیفی بێ وموچەخۆرو فەرمانبەری دائیرەیەكی حوكومی بێ، ئەمە سەدان كەرتی گشتی و وەبەرهێنان هەیە، سەدان ڕێكخراو كۆمپانیا هەیە، كاری وەرگێڕی و سەدان بەرنامەی كۆمپیتەری هەیە، كاری نووسین و ڕاهێنەری هەیە.
پیاو چاكان ڕێگەیان نەداوە كەسێ بیان ژینێ، نانی دەستی خۆیان نەبێ پێی ڕازی نەبوون، پەیامی ئیسلام، هانمان دەدا لەسەر ئەوەی بێ كار دانەیشین، لاشەی بێ كار بەرگی شەیتانە، مرۆڤی بێ كار وەكو پایسكل وایە. بێ شوفێر بڕوا هەر جارەو بەلایەك لار بێتەوە تادەكەوێ، ئەبێ هەمیشە پەیدانی ژیان بسۆڕێ تاكو نەكەوین.
لە ئێران گەر كەسێ لەیەكێ توڕەبێ پێی دەڵێ خوا بێ كارت كا، ئەمە وەك ئەوە وایە جوینێكی گەورەو ناخۆشی پێدابێ لەڕاستیشدا هەر وایە، چونكە مرۆڤ گەر بێ كاربوو هەموو فكرێكی لۆدێ هەموو ئێشێك دەكات، بۆیەش بەپێی بەدوا داچوون ولێكوڵینەوە فەرمییەكانی ئاسایش زۆرترین ئەو كەسانەی تووشی تاوان لادان و جەریمە دێن، گەر بێت ومرۆڤ خاوەن كاربێ ڕۆژ كارەكات وشەویش لەخوایەتی سەر بنێتە سەر سەرین وكاتی خەوی هەبێ، كەی بیری بەلای خەراپە دائەچێ، كورد وتوویەتی دەستی ماندو لەسەر زگی تێرە، ڕێوی گەڕۆ لەشێری نووستوو وباشترە، ئیسلامیش پێمان دەڵێ مرۆڤی بەهێزو خۆشەویستترە لەمرۆڤی بێ هێزو لاواز، پێغەمبەری خوا درودی خوای لەسەربێ، دەستی قڵێشاوی كرێكاری ماچكردووە، دەستێك كار بكاو بژێوی ژیان وماڵی حەڵاڵ بۆ خۆی و خێزانی پەیدابكاو، دەستێكە خواو پێغەمبەری خوا ئەو دەستەیان خۆش دوەێ، بەو هیوایەیی گەنجەكانمان چیدی ئاوا بێ ئیش دانەنیشن هەر كارێكی حەڵاڵیان دەست كەوێ لێی ڕانەوەستن چونكە داهات ودواڕۆژی وڵات لەبەر دەستی ئەوان دایە.

بابەتى پەیوەندیدار بیروڕا

گەنج و داینەموو

گەنج و داینەموو

دەرمانناسی

دەرمانناسی

رواندزیانی

رواندزیانی

بیروڕا

زۆرترین بینراو