گرنگی بوونی یاریگەیەكی تایبەت بە یانەی سۆران

گرنگی بوونی یاریگەیەكی تایبەت بە یانەی سۆران

لە دونیای وەرزشدا دابینكردن و فەراهەمبوونی پێداویستیەكان فاكتەرێكی گرنگە بۆ سەركەوتنی تیپ ویانەكان لە بەشداریكردنی خول و پاڵەوانەتییەكان, بوونی یاریگەیەكی مۆدێرن و چیمەن بەهەموو كەلوپەل و پێداویستیەكانەوە دەبێت لە پلانی بنەڕەتی و سەرەكی دەستەی كارگێری یانەكاندا بێت بۆ ئەوەی یاریزانەكان بەردەوام مەشق و راهێنانی خۆیان تێدا بكەن و لەگەڵ ئەنجامدانی یارییەكان, هەروەها هۆكارێكیشە بۆ ئەوەی یاریزانەكان لە یاریگەی چیمەن و جەماوەری زۆر رابێن و ترس ودڵەراوكێیان نەبێت كاتێك لە دەرەوەی یاریگەی خۆیان یاری دەكەن, یانەی سۆرانیش لە ماوەیەكی كورتدا توانیویەتی بوونی خۆی بسەلمەێنێت و ببێتە یەكێك لە ركابەرەكانی یانەكانی خولی نایابی كوردستان و دوایی چوار گەڕ لە یاریكردن ئێستا لە پلەی چوارەم دایەو تا هەفتەی رابردوو لە ریزبەندی خولەكە بوو, رۆژ لە دوای رۆژیش ئاستی لە هەڵكشان دایە, تەكنیكێكی جوانی تۆپی پێ پیشان دەدات, كەچی بەداخەوە گرفت و كێشەی یانەكە نەبوونی یاریگەیەكی تایبەت بەخۆیەتی و تا ئێستاش لە یاریگەی رواندوز مەشق و راهێنان ئەنجامدەدات, بۆیە پێویستە بەرپرسانی قەزای سۆران و كۆمپانیاكان و دەوڵەمەندەكان و بەرپرسانی حزبی و حكومی ئاوڕێكی تەواو لە یانەی سۆران بدەنەوە, تا بەهەموومان بتوانن یاریگەیەكی چیمەن لەگەڵ بوونی پەیژەی دانیشتنی جەماوەر و هاندران درووست بكەن, بۆ ئەوەی ببێتە پاڵنەرێكی بەهێز تاكو یاریزانەكان ئاستێكی بەرزتر پێشكەش بكەن و ركاربەری سەخت بكەن بۆ بەدەستهێنانی نازناوی یانە نایابەكانی كوردستان و ببنە ژمارەیەكی قوڕس و یانەیەكی بەناوبانگی كوردستان, لە لایەكی ترەوە دەبێتە هاندرێكی گەورە تاكو ژمارەیەكی زۆرو زیاتر جەماوەر ئامادە بن بۆ هاندانی یانەی سۆران و ببینە پاڵپیشتی وهاوكارێكی مەعنەوی یاریزانەكان و هێزو توانای زیاتریان هەبێت تاكو بەبردنەوە دڵی هەمووان خۆش بكەن.

 

بابەتى پەیوەندیدار وەرزشى

بیروڕا

زۆرترین بینراو