گرنگی زیاتر بە گوندەكان دەدرێت 

گرنگی زیاتر بە گوندەكان دەدرێت 

زارى كرمانجى-سؤران:
لە پرێس كۆنفرانسێكی رۆژنامەوانیدا، سەرپەرشتیاری ئیدارەی سەربەخۆی سۆران لە وەڵامی پرسیارێکدا رایگەیاند، كە لە چوارچێوەی هەوڵەكانیان بۆ جێبەجێكردنی پڕۆژە خزمەتگوزارییەكان، لە رووی پڕۆژەكانی ئاو، كارەبا یان رێگاو بان، گرنگی زیاتر بە گوندەكانی دەورووبەری سنووری ئیدارەی سۆران دەدەن، هەروەك چۆن گرنگی بە سەنتەری شار دەدرێت.
لە درێژەی وتەكانیدا، سەرپەرشتیاری ئیدارەی سۆران ئاماژەی بۆ ئەوە كرد، كە كۆنكریتكردنی رێگا لاوەكی و كۆلانەكانی بەشێك لە گوندەكان بە پێی پێویستی لە ستراتیژییەتی كارەكانیان دەبێت، هەروەك لە میانەی سەردانە مەیدانییەكانیاندا سەردانی گوندەكان هەمیشە لە پلاندا بووە.
جێبەجێكردنی پڕۆژەكان بە شێوەیەكی دادپەروەرانە، بە پێی ئەو توانایەی كە لەبەردەستە بەبێ جیاوازی دابەشی سەر قەزاو و ناحییە و گوندەكان دەكەین". 
هاوكات گوتی: هەوڵ دەدەین بە هۆكاری نەبوونی خزمەتگوزاری لە گوندەكان رێژەی كۆچكردنی هاووڵاتییان لە گوندەوە بۆ شارەكان كەمبكەینەوە.
كۆنگرە رۆژنامەڤانییە هاوبەشەكەی نێوان سەرپەرشتیاری ئیدارەی سەربەخۆی سۆران و ئەمینداری ئەنجومەنی باڵای خانمان، ئەمڕۆ سێشەمە دوای كۆبوونەوەیەكی نێوان لەگەڵ چەند بەڕیوەبەرایەتییەكی حكوومی له ئیدارەی سەربەخۆی سۆران بەڕێوەچوو.