گروپێكی شاخەوانی گیانەوەرێكی دەگمەن دەدۆزنەوە

گروپێكی شاخەوانی گیانەوەرێكی دەگمەن دەدۆزنەوە

چلاكوانێكی ژینگەیی هۆشداری دەدات لەوەی كە گیانەوەرێكی كێوی واتە (بزن مژە) كە ناوی زانستییەكەی (monitor lizard) گیانەوەرێكە لە شێوەی تیمساح، كەزیاتر لە شوێنی گەرم دەژیت، بەڵام ئێستا بەشێوەیەكی گشتی ئەم گیانەوە روو لە كەمبوونەوەو نەمانەو پێویستە پارێزگاریان لێبكرێت.
ئیدریس هەركی، شاخەوان و چالاكوانی ژینگە پارێزی و سەرۆكی گروپی سەركێشی لە چوار وەرز دا (A4S)، رایگەیاند " لە كوردستانی خۆماندا جۆرەها زیندەوەرو ئاژەڵی كێوی هەن، ئەمەش جوانێكی یەكجار زۆریان بە ژینگە و سروشتی وڵاتەكەمان بەخشیووە، ئەركی هەرتاكێكی ئێمەیە گیانی ئەم ئاژەڵ و زیندەوەرە كێوییانە بپارێزین، كەچی بەداخەوە كەسانێك بەبێ‌ بیركردنەوەو هەستكردن بە بەرپرسیاریەتییەوە، قات و قڕیان دەكەن و لەناویان دەبەن، بەبێ‌ ئەوەی بیری لێبكەنەوە، ئایا سوودو زیانەكانی ئەم ئاژەڵ و زیندەوەرە كێویانە چین".
گووتیشی: "یەكێك لەم گیانەوەرو زیندەوەرانەی كە مەبەستمانە باسی لێوە بكەین، بە كوردەواری خۆمان پێی دەڵێین (بزن مژە) ناوی زانستییەكەی (monitor lizard) گیانەوەرێكە لە شێوەی تیمساح، كەزیاتر لە شوێنی گەرم دەژین، بەڵام ئێستا بەشێوەیەكی گشتی ئەم گیانەوەرە روو لە كەمبوونەوەو نەمانن، ئەمەش زیانێكی دیكەیە بۆ ژینگەو پێویستە تیمی تایبەت بە لێكۆڵینەوە لەسەر ئەم گیانەوەرە پێكبهێنرێت و بەشێوەیەك لە شێوەكان هەواڵی مانەوەی بدرێت و رێكخراوەكانی تایبەت بەژینگە پارێزی لەكوردستان، خەڵكەكە لەوە هۆشیار بكەنەوە كە ئەم جۆرە زیندەوەرانە لەناو نەبەن".
ئەم شاخەوان و چالاكوانەی ژینگەیی، دەشڵێت: "بەپێی لێكۆڵینەوەكانم (بزن مژە) (monitor lizard) كە زیاتر لە شوێنە گەرمیەكان ژیان بەسەردەبات، گیانەوەرێكە خۆی مەڵاس دەدات و رەنگی جەستەی هاوشێوەی خاك و زەوویە دژی كۆرە مارەو لەشوێنەكە نایان هێلێت، هەروەها لە كاتی گرتنی مەڕو بزن و هەر گیانەوەرێكی شیر دەر، ئەگەر ئاژەڵەكە لەناویش نەبات، بە تەواوی وشكی دەكات و ئاژەڵەكە ناتوانێت جارێكی تر شیر بداتەوە، بەمەش لە دێرزەمانەوە لە كوردەواری خۆمان ئەم گیانەوەرە ناو نراوە (بزن) مژە".
سەرۆكی گروپی سەركێشی لە چوار وەرز دا (A4S)، ئاماژەشی بەوەدا: "چەند جارێك ئەم جۆرە گیانەوەرەم بینیووە بەتایبەت لە شوێنە گەرمەكان، دواجاریش لەم ماوەی رابردوودا لەگەشتێكماندا بە بەشداری ژمارەیەك لە ئەندامانمان بە هاوبەشی لەگەڵ گروپی كۆمەڵەی شاخەوانی كوردستان و گروپی شاخەوانی دەربەندی خان، ئەم گیانەوەرەمان لە تۆنی بابا، لەرێگای دەربەندیخان بینی و دەوام لە ئەندامان و خەڵكی شوێنەكە كرد، هیچ كەس پەلاماری نەدات و نەیكوژێت، زۆر ئەندامانیشمان یەكەمین جاربوو گیانەوەرێكی لەم شێوە ببین و پێی سەرسام بوون، تەنانەت بەشێكیان لایان وابوو ئەمە تیمساحە، بەڵام زانیاریم بۆ خستنەروو.

زۆرترین بینراو