گۆڕی بەیان کەریم بەگوڵ رازایەوە

گۆڕی بەیان کەریم بەگوڵ رازایەوە

 

محەمەد ئامۆکەیی- کۆیە: هەفتەی رابروو خانمە شاعیر بەیان کەریم ئەحمەد، دڵی لەلێدان وەستا و شاری کۆیەی تاساندو کوردستانیانی خەمناککرد، ئەمڕۆش لە لایەن هاوڕێ و خانەوەداکەی سەردانی گڵکۆی کراو تاجەگوڵینەیان خستە سەرگۆڕی.

سروە عوسمان، هاوڕێ خزمی بەیان کەریم، بۆ زاری کرمانجی گووتی" لەسێیەم ڕۆژی پرسەی هاوڕێ و کچە پورم بەیان کەریم ئەحمەد هەموومان کۆبوینەوە لە کلتوری کۆیە بۆ پرسەگرتن، سێیەم ڕۆژی پرسە هەموو خزم و کەس و هاوڕێیان بەیانی زوو دەچنە سەرقەبران و بە تاجە گوڵینە گوڵبارانی دەکەن، هەریەکەو هاوخەمی خۆی بۆ ئازیزانی دەردەبڕێت، بۆیە ئێمەش بە پێویستمان زانی سەردانی گۆڕی ئەو خانمە شاعیره بکەین.

خانمە شاعیر سروە عوسمان باس لەوشە دەکات" خاتوو بەیان لەخانەوادەیەکی خەباتگێڕ پەروەردەبووە و کچی سەرکردەیەکی ماندوو نەناس و خۆڕاگر(کەریم ئەحمەد داود) سکرتێری پێشووی حیزبی شیوعی کورستان بوو. لە دوای خۆی تاکە یادگاری بۆ کەس و کارەکەی جێ هێشتوە ئەویش (فراسی کوڕیەتی) ئێستا لە هەندەران دەژی.

سروە ئەوەشی گووت" بەیان کەسێکی خەباتگێڕی ڕۆژە سەختەکانی شاخ بووە، دەربەدەری و دووری نیشتیمانی زۆر چەشتووە، بەیان ژنێکی ڕۆشنبیرو لێهاتوو نوسەرو شاعیرێکی زۆر ئازاو بەجەرگ بووە، ئازادبووە لەڕاو بۆچونەکانی ،خاوەنی بڕوانامەی ماستەربوو لەئەدەبی ڕوسی، بەکۆچی ناوادەی ئەو کەسایەتیە جوانە خاوەن خامەیەکی جوان و بەسەلیقەو لێهاتوومان لەدەستدا، بەکۆچی ناوەختی هەزاران خەونی ئەرخەوانی نایە ژێر گڵەوە.

زۆرترین بینراو