گەشتێكی شاخەوانی لە دوو رۆژ  و شەوێكدا...

گەشتێكی شاخەوانی لە دوو رۆژ و شەوێكدا...

جەلال سەعید – چیای هەڵگۆرد

شاخەوانانی كوردستان وڵاتی ئێران لە گەشتێكی شاخوانی دوو رۆژ و شەوێكدا سەركەوتن بۆ سەر لوتكەی چیایی هەڵگۆرد، گرووپەكانی شاخەوانانی كوردستان لە شارەكانی هەلێر و سلێمانی و هەلەبجە و سۆران و بارزان و چۆمان و هەورەمان لەگەڵ كرووپێكی شاخەوانی وڵاتی ئێران گەشتی شاخەوانیان ئەنجامدا، ژمارەیی شاخەوانەكانی بەشداربوو زیاتر لە 100 شاخەوانی لە هەردوو رەگەز لە خۆ دەگرت، گرووپەكانی شاخەوانانی لە قۆناغی یەكەمد لە بناری چیای هەڵگۆرد دەستیان بە سەركەوتن كرد بە سەركەوتن تاكو دامێنی چیای هەڵگۆرد و لە دامێنی چیایەكەدا لە باسكە پیازە كەمپێكی پشوو خەواتنیان دامەزراند، قۆناغی دووەمی گەشتەكەیان بۆ رۆژی دواتر لەكات ژمێر4ی بەیانی بۆ سەر لوتكەی چیای هەڵگۆرد دەست پێكرد، بەیانی بەر لە دەركەوتنی تشكی خۆر شاخەوانانی كوردستان و وڵاتی ئێران كە لە ئافرەت و پیاو پێك دەهاتن، بەشێوازێكی وەرزشكارانە رێرەوی رۆیشتنی خۆیان بۆ سەر لوتكە چیایی هەڵگۆردو گوزەر كرد.
ناخۆشی و نارێكی و ئەستەمی رێگایی سەركەوتن تاكو رادەیەك بۆ شاخەوانان مەترسیدار بوو، بەتایبەت كێوە بەفرەكان كە دەبوو بەهۆكار بۆ خلیسكانێ و كەوتنیان، لە گەرانەوەدا یەكێك لە شاخەوانانی كوردستان لە شاری سلێمانی بە ناوی شێخ عومەر لە كاتی هاتنە خوارەوەی لە سەر چیا لە كیوە بەفراوییەكان دەخلێسكێ‌ و بە بەرزایی زیاتی 2500 مەتر لە سەر ئاستی رووی دەریا بەرەو خوارەوەو دێت و دواتر بە تاشە بەردێكی دامێنی چیای هەڵگۆرد دەكەوێت و بە سەختی زامدار دەبێت.
دوای پەیوەندی كردن بە خزمەتگوزاری لە شاری هەولێر، یەكسەر دوو فرۆكی جۆری كۆمپتەر بۆ گەیاندنی بە نەخۆشانە لە هەولێر دەگەنە شوێنی مەبەست و دەیگوازنەوە بۆ هەولێر تاكو چارەسەری بۆ بكەن، بەپێی زانیارییەكان باری تەندروستی شاخەوان شێخ عومەر جێگیرەو باشە.
هاوكات خزمەتگوزارییەكانی قەزای چۆمانیش بۆ هەمان مەبەست دەگەنە شوێنەكە بۆ هاوكاری رزگاركردنی شاخەوانەكە.
بە دەنگەوە هاتن و گەیشتنی دەزگاكانی خزمەتگوزاری و تەندروستی بۆ رووداوەكانی لە ناكاو لە شوێنەكانی دوورە دەست و سەر شاخ و دۆڵ كە ئۆتۆمبێڵی فریا گوزارییەكان ناتوانن بگەنە شوێنەكە بەهۆی نەبوونی رێگای ئۆتۆمبێل یەكێكە لە جوانییەكانی مرۆڤایەتی و خزمەتكردن بە هاوڵاتیان، فرۆكەكانی خزمەتگوزاریش بەشێكن لە هاوكاری بە دەنگەوە هاتن بۆ كاتی پێویست و رزگاركردنی بریندارو زامدارەكانی پێویستیەكان.
شاخەوانانی كوردستان ساڵانێكە گەشتی شاخوانی وەرزشی و ژینگە پارێزی لە وەرزەكانی بەهار و هاوین و پایز ئەنجام دەدەن، بەشداری شاخەوانانی وڵاتانی ئێران وڵاتانی دیكەش بۆ ئاشناكردن و خۆشەویستی نێوانیان وەرزشی شاخەوانی بەهێزتر و گەورەتر كردوە.
ئەنجامدانی گەشتی وەرزشی شاخەوانی لە پێناو ژینگە پارێزی و جوانی سروشتی چیاو دۆڵەكانی كوردستان و لەش ساغی و وەرزشی و تەندروستی بۆ جەستە و مێشك، ئاشناكردن و ناساندنی سروشت و شوێنە دڵرفێنەكانی كوردستان بەشاخەوانی ئەو وڵاتانی بەشداربوو لە گەشتە وەرزشی و شاخوانییەكە بەشێكی تری مەبەست و ئامانجی گەشتەكەی پێك دەهێنا.
وەرزشكارانی شاخەوانانی وێرای ئەوەی پێویستیان بەپێداویستی تایبەت بە رۆیشتنی نێو بەفر و سەر چیاكان هەیە دەبێ‌ خاوەن هێز و توانایەكی باشی جەستە و لەش بن بۆ ئەوەی بتوانن بە تەندروستی و سەركەوتووی گەشتەكانی وەرزشیان لە سەر شاخ و نێو دۆل و شیوەكان ئەنجام بدەن.
وەرزشی شاخەوانی دیاردەیەكە بۆ یەكەمجار لە ساڵی 1854 بۆ سەر چیای ئیفرست ئەنجامدراوە كە بلندایی چیایەكە 8848 مەترە.
ئەگەر بەر لە 165 ساڵیش شاخەوانی جیهان گەشتی وەرزشیان بۆ سەر چیاكان ئەنجام دابێت، شاخەوانانی كوردستان بەجیاوازی لەگەڵ دونیای پێشكەتوو، دەكرێت بلێن توانیانە ململانێ‌ و ركابەری زۆرێك لە شاخەوانانی وڵاتانی پێشكەتوو بكەن، میوانداری و هێنانی شاخەوانانی دونیاش بۆ كوردستان و گەشت پێكردنیان و ناساندن و ئاشناكردنی سروشتی كوردستانیش بەجیهان، سەركەوتن و پێشوەچوونی باشیان بە خۆیەوە بینیەوە.

زۆرترین بینراو