گەنجانی مێرگەسۆر بەشداری لە خولی (گەنج و پڕۆژە) دەكەن

گەنجانی مێرگەسۆر بەشداری لە خولی (گەنج و پڕۆژە) دەكەن

زاری كرمانجی-مێرگەسۆر: رێكخراوی وار بۆ پاراستنی ژینگە بە هاوكاری لەگەڵ ناوەندی وەرزش و لاوانی مێرگەسۆر، بۆ یەكەم جار خولی (گەنج و پڕۆژە) بۆ گەنجانی سنووری شارۆچكەی مێرگەسۆر دەكاتەوە.
هەژار ماهیر ئێدلبی، سەرۆكی رێكخراوی وار بۆ پاراستنی ژینگە بە زاری كرمانجی راگەیاند " وەبەرهێنانی گەنج و پێشخستنی تواناكانیان یەكێكە لەهەنگاوە گرنگ و پڕەنسیپیپەكانی كۆمەڵگەی مۆدیرن، ئەوەی تیبینی دەكرێت ئەمڕۆ لەجیهاندا وەك بەرنامەیەكی فراوان و تۆكمە كار لەسەر برەودان بەتوانای گەنج، وەبەرهێنان لەتواناكانیاندا دەكرێت، یەكێك لەهەنگاوە گرنگەكان كە ئەمڕۆ كاری لەسەر دەكرێت بۆ ئەوەی گەنجان پشت بەخۆیان ببەستن و ببنە كاراكتەرێكی گرنگی كۆمەڵایەتی گرنگیدانە بە مەعریفە و رەهەندە فكرییەكانی گەنجان، چونكە دەوڵەمەندكردن و بەهێزكردنی مەعریفەی گەنج هەنگاوێكی سەرەكیە بۆ ئاسوودەیی و خۆشگوزەرانی كۆمەڵگە، هەر لەم سۆنگەیەوە وەك رێكخراوی وار بۆ پاراستنی ژینگە پرۆژەیەكی گەورەمان بە هاوكاری لە گەڵ ناوەندی وەرزش و لاوانی مێرگەسۆر، بۆ یەكەم جار خولی (گەنج و پڕۆژە) مان لە قەزای مێرگەسۆر بۆ گەنجان راگەیاند".
گووتیشی " ئامانج لە كردنەوەی ئەم خولە بۆ خو روشنبیركردن و هاندانی گەنج و لاوی دەڤەرەكە كە زیاتر هەنگاو بهاوێژن، بۆ پاراستنی ژینگە و كاری خۆبەخشی بە تایبەت لە دەڤەری بارزان، هەروەها لە بیر نەكردنی دەستور و عادات و تەقالیدی پێش ئیستای باب و باپیران وەك رێزگرتن, دادپەروەری, رەوشتی جوان، هەروەها ریگە خوشكرد بۆ دابین كردنی پڕۆژە رەخساندنی هەلی كار و زالبوون بە سەر كێشە و گرفتی هەنوكییەكان. لەم خولەدا زیاتر 100 گەنج لە سنووری قەزای مێرگەسۆر بەشدارن، بە ناحیە و گوندەكانی دەڤەری بارزان، كە ماوەی 45 رۆژ دەخایەنیت و وانەكان هەفتانە لە لایەن ئەكادیمیست و مامۆستا و راهێنەرە بە تواناكانی كوردستان دەگوترێنەوە.

زۆرترین بینراو