گەنجان بۆ مەلەوانی روودەكەنە مەلەوانگەی دۆڵی ئاكۆیان لە رواندز

گەنجان بۆ مەلەوانی روودەكەنە مەلەوانگەی دۆڵی ئاكۆیان لە رواندز

بەهۆی بەرزبوونەوەی پلەی گەرماو بوونی مەلەوانگەو سەیرانگای سەرەنج راكێش لە دۆڵی ئاكۆیان، لە سنووری قەزای رواندز، رۆژانە سەدان گەنج و گەشتیار روو دەكەنە شوێنكە. بارزان محەمەد، بەڕێوەبەری گەشتوگوزاری سۆران، رایگەیاند " هاتنی وەرزی گەرماو هەبوونی كەش و هەواێكی لەبارو مەلەوانگەو سەیرانگەی فێنك و سەرەنج راكێش، لە دۆڵی ئاكۆیان، لە سنووری قەزای رواندز، وایكردووە كە رۆژانە سەدان گەشتیار بەتایبەتیش گەنجان بۆ مەلەكردن و خۆ فێنكردنەوەیان سەردانی ناوچەكە بكەن". گووتیشی " تا دێت ژمارەی سەیرانگەو شوێنە گەشتیارییەكان لە سنوورەكەمان روو لە زیادبووندان، ئەوەش وایكردووە كە رۆژ لەدوای رۆژ رێژەی هاتنی گەشتیاران بۆ دەڤەرەكە لە بەرزبوونەوەدابێت.

هۆڵێكی تایبەت سۆران دروست دەكرێت
بەرەڤان شاكر سلێمان لاچ- سۆران: لە گەڕەكی هەرێم لە شاری سۆران دەستكراوە بە دروستكردنی هۆڵێكی تایبەت بە بەڕێوەبردنی پرسە بۆ ئافرەتان. شاكر خۆڕشید، موختار گەڕەكی هەرێم و سەرپەرشتیاری پڕۆژەكە بە زاری كرمانجی راگەیاند: " دوای تەواوكردنی هۆڵی پرسەی شەهید شەوكەت شێخ یەزدین، بە پێویسمان زانی هۆڵێكی پرسە لە هەمان شوێن بۆ ئافرەتان دروست بكرێت، دوای هەوڵ و ماندوبوونێكی زۆر توانیمان بە هاوكاری چەند خێرخوازێك دەست بكەین بە دروستكردنی". راشیگەیاند: پڕۆژەكە بە هاوكاری چەند خێرخوازێك، بە دوو قۆناغ دەبێت، لە قۆناغی یەكەمدا بینایی هۆڵەكە و لەگەڵ شوێنێك بۆ دروستكردن و نان خواردن دروست دەكرێت و لە قۆناغی دووەمیشدا پێداویستییەكانی بۆ دابین دەكەین.

زۆرترین بینراو