گەڕی پێش كۆتایی چامپیۆنزلیگ یەكلاكەرەوەی گەیشتنە بە قۆناغی دووەم

گەڕی پێش كۆتایی چامپیۆنزلیگ یەكلاكەرەوەی گەیشتنە بە قۆناغی دووەم

زاری كرمانجی-ئاژانسە هەواڵە وەرزشیەكان: دوای بڕینی بلیتی مسۆگەركردنی گەیشتن بە قۆناغی دووەم لەلایەن سێ یانەی بەشداربووی چامپیۆنزلیگ (پاریس سان جێرمان و بایرەن میونخ و یۆڤانتس) بەیانی سێشەممە گەڕی پێش كۆتایی لە قۆناغی یەكەمی جامە پاڵەوانەكانی ئەوروپا بە بەهێزیترین یاری لە یاریگەی سانتیاگۆ بێرنابیۆ لە نێوان ریال مەدریدی ئیسپانی و پاریس سان جێرمانی فەڕەنسی دەستپێدەكات, ئەمەو لە گەڕی یەكەم فەڕەنسەكان گورزێكی كوشندەیان لە یانەی شاهانە دا كاتێ لە نێو یاریگەی ( لە پاڕك دێس پرێنسس) Le Parc des Princes بە 3 گۆڵی بێ وەڵام سەركەوتنیان بەدەستهێنا, یانەی پاریس سان جێرمان سەركەوتنی بۆ قۆناغی دووەم مسۆگەر كردووەو مەدریدیەكان بە 7 خاڵ لە پلەی دووەمن, یاری دووەمی ئەم كۆمەڵەیە كە كاتژمێر 8 و 55 خولەك دەستپێدەكات گەڵاتەسەرای توركی لە یاریگەی خۆی میوانداری یانەی كڵۆب برۆجی بەلجیكی دەكات و توركەكان هیوایەكی لاوازیان هەیە بە گەیشتن بە قۆناغی دواتر, چونكە لە كۆی 4 یاری رابردوو تەنها خاڵێكیان كۆكردۆتەوە بە یەكسان بوونیان لەگەڵ هەمان یانە, بەڵام یانەی میوان بە 2 خاڵ لە پلەی سێیەم دێت و ئەگەر ئەم یاریی بباتەوە چاوەڕێی دۆڕانی ریال دەكات تا لە یاری داهاتوو لە نێو یاریگەی خۆی سەركەوتن بەسەر یانە ئیسپانیەكە تۆمار بكات بە گۆڵێكی زۆر ئەمەش زۆر ئەستەمە, چونكە مەدریدییەكان لە هەردوو یاری بەیانی و گەڕی كۆتایی پێویستی بە تەنها خاڵێكە بۆ گەیشتن بە قۆناغی دووەم, یارییەكانی دیكەی بەیانی لە كۆمەڵەی یەكەم تۆتنهامی ئینگلیزی و ئۆلۆمپیاكۆسی یۆنانی لە یاریگەی یەكەمیان بەیەك دەگەن سرڤینیا زڤێردای سڕبی میوانداری بایرەن میونخی ئەڵمانی دەكات, تۆتنهام لە پلەی دووەمە بە 7 خاڵ و سرڤینیا 3 خاڵ ئۆلۆمپیاكۆس تەنها خاڵێكی هەیە, كۆمەڵەی سێیەم شاختاری ئۆكرانی دەبێتە میوانی مانچستەری ئینگلیزی و ئەتەلانتای ئیتاڵی میوانداری دێنامۆ زەگرەبی كرواتی دەكات, مان ستی بردنەو یەكسان بوونی لە یارییەكەی بەیانی بەسە بۆ گەیشتن بە قۆناغی دووەم چونكە خاوەنی 10 ی پلەی یەكەمە, بەڵام هەردوو یانەی دینامۆو شاختار 5 خاڵیان هەیەو ئەتەلانتا خاوەنی تەنها خاڵێكە, كۆمەڵەی چوارەم ئەم دوو یارییە لەخۆ دەگرێت, لۆكۆمۆتیڤی رووسی و بایەرلیڤەركوزنی ئەڵمانی لە یاریگەی یەكەمیان ئەنجام دەدرێت و یۆڤانتسی ئیتاڵی لە یاریگەی خۆی رووبەڕووی ئەتلەتیكۆ مەدرید دەبێتەوە, یۆڤانتس كە بە 10 خاڵ سەركەوتووە, ركابەری لە نێوان یانە ئیسپانیەكە 7 خاڵ و هەردوو یانەی تر كە 3 خاڵیان هەیە, ئەگەر ئەتلەتیكۆ بدۆڕێت لۆكۆمۆتیڤ بباتەوە ئەوا دەبێتە 6 خاڵ و لە دوا گەڕ رووبەڕووی یەكتر دەبنەوەو بە یەكسان بوون ئیسپانیەكان و تەنها بردنەوە رووسیەكان دەگەیەنێتە قۆناغی دووەم.
دووسبەی چوارشەممەش لە كۆمەڵەی پێنجەم لە یاریگەی ئینفێڵد لیڤەرپوولی ئینگلیزی میوانداری ناپۆلی ئیتاڵی دەبێتەوە, لە هەمان كۆمەڵە جینكی بەلجیكی و رێد بۆڵی نەمساوی رووبەڕووی یەكتر دەبنەوە, ریدز بە 9 خاڵ لە پێشەنگەو ناپۆلی بە 8 خاڵ دووەمە, رێد بۆڵ 4 خاڵ و جینك تەنها یەك خاڵ, لە كۆمەڵەی شەشەم لە بەهێزترین یاری بەرشەلۆنەی ئیسپانی لەنێو كامبنو لەگەڵ دۆرتمۆندی ئەڵمانی بەیەك دەگەن و ئەنتەرمیلانی ئیتاڵی دەبێتە میوانی سلاڤیا براگی چیكی, لەم كۆمەڵەیەدا بەرشە بە 8 خاڵ لە یەكەمەو دۆرتمۆند 7 خاڵ دووەمی گرتووە, ئەنتەر 4 خاڵ و سلاڤیا 2, كۆمەڵەی حەوتەم لایبزیكی ئەڵمانی و بەنفیكای پورتوگالی بەیەك دەگەن و لیۆنی فەڕەنسی دەبێتە میوانی زینێتی رووسی, لایبزیك 9 خاڵ و لیۆن 7 خاڵ زینێت 4 خاڵ و بەنفیكای پلەی چوارەم 3 خاڵ, لە دوا كۆمەڵە كە هەشتەمە لیلی فەڕەنسی و ئەجاكسی هۆڵەندی رووبەڕووی یەكتر دەبنەوە, ڤالەنسیای ئسپانی میوانداری چێڵسی ئینگلیزی دەكات, لەم كۆمەڵە ئاگرینە 3 یانە 7 خاڵیان هەیە بەڵام بە جیاوازی گۆڵ ئەجاكس یەكەم و چێڵسی دووەم و ڤالەنسیا سێیەمە ماوەتەوە لیلی فەڕەنسی كە تەنها خاڵێكی هەیە .

زۆرترین بینراو