گە شتی بەلەم لە سەر شەپۆل(واتر رافتینك)

گە شتی بەلەم لە سەر شەپۆل(واتر رافتینك)

سەنتەری بارزان بۆ ژینگە پارێزی و شاخەوانی لە رۆژانی رابردوو گەشتێكی بەلەمی سەر شەپۆلیان لە رووباری زراران ئەنجامدا، گەشتەكەیان بۆ ماوەی سێ‌ رۆژ و سێ‌ شەو لە نێو سروشتی ئاو دەریاو رووبار درێژەی هەبوو.
لە گەشتەكەدا 11ئەندامی سەنتەری بارزانی بەشداریان كرد، لە نێوانیاندا چوار كچی وەرزشكار(هاژە و تارا و فورات و دیلان) لەگەڵ 7 لە وەرزشكاری پیاو (عزیز و حامد و فرهاد و میرزا و مونیر و كاروان بە سەرپەرشتی سەرۆكی سەنتەری بارزان بۆ ژینگە پارێزی و شاخەوانی ئەنوەر دۆلەمەری گەشتەكەی بەلەمی لە سەر شەپۆل (واتر رافتینك) بەرێوەچوو.
گەشتەكە بە چوار بەلەمی ئەنجامدرا بە درێژای زیاتر لە 18 كیلۆ مەتر وەرزشكارانی بەشداربوو روبارەكەیان بری، لە كێبركێیەكەدا زیاتر 30 شەپۆلی ئاویان دەهاتە پێش و بە سەركەوتووی توانیان شەپۆلەكان ببرن.
ئەنوەر دۆلەمەری سەرۆكی سەنتەری بارزان بۆ ژینگە پارێزی و شاخەوانی لە لێدوانێكدا بۆ زاری كرمانجی سەبارەت بە گەشتەكە و شێوازو چۆنیەتی گەشتی بەلەمی لە سەر شەپۆل (واترفتینك) گووتی:
گەشتی واتر رافتینگ یان بەلەمی سەرشەپۆل، لە ناوچەی بارزان و لە گەلی سۆلی بە درێژایی ئەم گەلییە كە 20 كیلۆمتەر دەبێت و 8 كاتژمێر دەخایانێت، زیاتر لە35 شەپۆلی تێدایە، 6 شەپۆلیان زور مەترسیدارە.
هەروەها گووتی: یەكەم جارە لە سەر ئاستی عیراق و كوردستان ئافرەت بەشداری لە كێبركێیەكی لەو جۆرە دەكەن، ئێمە وەكو سەنتەری بارزان بو ژینگە پارێزی و شاخەوانی بە۱۱ئە ندامی ئافەرت و پیاو بەشداریمان كرد، ئەوەی جێگای مەترسیی بوو یەكێك لە بەلەمەكان كە ئافرەتێك و پیاوێكی تێدابوو بەر بەردێك كەوت و وەرگەرا، بەڵام بە شارەزای و زانینی مەلەوانی توانیان لە خۆ رزگاركردن سەركەوتوو بن.

 

بابەتى پەیوەندیدار وەرزشى

زۆرترین بینراو