یانەی سۆران لە دوای گەیشتنی بەخولی نایاب چارەنووسی بە نادیاری ماوەتەوە

یانەی سۆران لە دوای گەیشتنی بەخولی نایاب چارەنووسی بە نادیاری ماوەتەوە

دیمانە: لوقمان عەبدولڕەحمان
دوای ئەوەی یانەی وەرزشی سۆران تووانی بۆیەكەم جار خۆی بگێنێتە ریزی یانە نایابەكانی كوردستان، یانەی سۆران لە لایەن یەكێتی تۆپی پێی كوردستان ئاگادار كراوتەوە كە یاریگای گەنجاو نییە بۆئەنجامدانی یارییەكان، بۆ قسەكردن لەسەركێشەو گرفتەكانی یانەی وەرزشی سۆران زاری كرمانجی بەرپرسی راگەیاندنی ئەو یانەیەی هێنایەدوان.
فەرمان ئیسماعیل بەرپرسی راگەیاندنی یانەی وەرزشی سۆران لە دیمانەیەكدا لە گەڵ هەفتەنامەی زاری كرمانجی ڕایگەیاند،یانەی سۆران بەهۆی خراپی باریی داراییەوە نەیتوانیوە تا ئێستا هیچ گۆرانكاریەك لە پێكهاتەی خۆی بكات بۆ وەرزی داهاتووی خولی یانە پلە نایابەكانی كوردستان، دوای ئەوەی یانەی سۆران لە وەرزی ڕابردوو توانی پلەی دووەم لە خولی یانە پلە یەكەكانی كوردستان بە دەست بهێنێت،بەم ئەنجامە بۆ یەكەمین جار لە مێژوویدا خۆی گەیاندە خولی یانە پلە نایابەكانی كوردستان بۆ وەرزی (2019-2020) بە گوێرەی وتەكانی بەرپرسی راگەیاندنی یانەی وەزشی سۆران، یانەكە لە ئێستادا كۆمەڵێك قەیران بەرۆكی گرتووە ، هیچ پلانێكیان نییە بۆ ئەوەی كاری لە سەر بكەن بۆ وەرزی نوێ لە بەر ئەوەی هیچ بەرچاو روونێكمان نییە لە هیچ لایەنێك، چ لە ڕوووی ئابووریەوە و یان لە ڕووی ژێرخانی وەرزشی لە سۆران ، بەرپرسی راگەیاندنی یانەی وەرزشی سۆران گووتیشی" یانەی سۆران تاكە یانەیە لە خولی یانە پلە نایابەكانی كوردستان كە یاریگای تایبەت بە خۆی نییە، هەر لەبەر ئەم هۆكارەش چارەنووسی یانەی سۆران بە نادیاری ماوەتەوە،ئەگەر یارییەكانی یانەی سۆران ببرێتە دەروەی شار بەهۆی نەبوونی یاریگای گونجاو لەو شارە،بە جۆرێك وەك سزادانی لێ دێت بۆ یانەكە، چونكە بێ بەش دەبین لە پاڵپشتی كردنی هاندەرانی شارەكەی خۆمان ودانیشتووانی شارەكە بێ بەش دەبن لە بینینی یاریەكان،یانەی سۆرانیش وای لێ دێت وەكو ئەوەی یانەیەك نەبێت لەشاری سۆران، جگە لەوەش لە رووی داراییەوە خەرجیەكی زۆر دەكەوێتە سەر شانی یانەكە لەوانەیە لە رووی داراییەوە لە تواناماندا نەبێت یارییەكان لە دەرەوەی شار ئەنجام بدەین،سەبارەت بە بەڵێنی بەرێز (نێچیرڤان بارزانی) كە لە كاتی بانگەشەی هەڵبژاردنی پەرلەمانی كوردستان بە خەڵكی ناوچەكە و یانەی سۆران دابوو كە یاریگایەكی تایبەت بە یانەكە دروستدەكرێت، مامۆستا فەرمان گووتی" پێش بەڵێنەكەش بە دوادا چوونمان بۆ ئەم پرسە كردووە و لە زۆر دەرگامان داوە زۆر بەڵێنیان پێ داوین هیچ بەڵێنێكیش نەچووەتە بواری جێبەجێ كردنەوە،تا ئێستا دووجار لە نوسینگەی بەرێزیان نوێنەریان سەردانی شاری سۆرانیان كردووە بۆ ئەم مەبەستە لەگەڵ ئێمە و لایەنە پەیوەندیدارەكانی ناوچەكە كۆبوونەتەوە بۆیە هیوادارین بە زۆترین كات ئەم بەڵێنە وەك خۆی بچێتە بواری جێبەجێ كردنەوە،دەربارەی ئامادەكاریەكانیان بۆ وەرزی نوێ بەرپرسی ڕاگەیاندنی یانەی سۆران دەڵێت"تاكوئێستا هیچ ئامادەكارێكمان نەكردووە هیچ یەكەی مەشق و ڕاهێنانمان ئەنجام نەداوە و دیاریش نییە كەی دەست بە ئامادەكاریەكان دەكەین، بەهۆی نەبوونی یاریگاو نەبوونی سەرچاوەی دارایی، بەرپرسی راگەیاندنی یانەی وەرزشی سۆران گلەیش لە یەكەی ئیداری شاری سۆران دەكات كە هیچ پاڵپشتیەك لە یانەكە ناكەن تەنانەت كاتێك كە سەركەوتن بۆ خولی یانە پلە نایابەكانی كوردستان هیچ یەكەیەكی ئیداری شاری سۆران دەست خۆشی لێ نەكردن تەنها زانكۆی سۆران نەبێت، لقی 10 ی پارتی دیموكراتی كوردستانیش بە پێدانی برێك پارە هاوكاربووە لەگەڵمان، هەروەها نەهرو رواندزی ئەندامی پەرلەمانی عێراق كە زۆر پاڵپشتی یانەی سۆرانی كردووە لەرووی داراییەوە.
فەرمان ئیسماعیل گووتیشی" بۆ وەرزی نوێ لە هەموو دەرگایەك دەدەین بۆ خزمەت كردنی یانەی سۆران و باشتركردنی ڕەوشی وەرزشی لە سۆران لە رووی داراییەوە، هیواخوازین بتوانین لەگەڵ دەستپێكردنی وەرزی نوێ هەموو پێداویستیەكان بۆ یانەی سۆران دابین بكەینن بۆ ئەوەی لە خولەكە بەشداری بكەین، داوا لە هەموو لایەنە پەیوەندی دارەكانی شاری سۆران دەكەین بە تایبەتی ئەوانەی روحێكی وەرزشیان هەیە هاوكاربن بۆ ئەوەی یانەی سۆران بتوانێت بەشداربێت لە خولی یانە پلە نایابەكانی كوردستان، چونكە یانەی سۆران موڵكی هیچ لایەنەك نییە موڵكی هەموو خەڵكی سۆرانە.

 

بابەتى پەیوەندیدار وەرزشى

زۆرترین بینراو