یانەی سۆران گرێبەستەكانی دەست پێكردوە

یانەی سۆران گرێبەستەكانی دەست پێكردوە

یانەی سۆران لە وەرزی رابردوو لە سەر ئاستی تۆپی پێ‌ توانی سەركەوتنی خۆی بۆ خولی پلە نایاب مسۆگەر بكات و ببێتە یەكێك لە 14 یانەی خولی پلە نایابی كوردستان.
یانەی سۆران دەیەوێت بە تەندروستی و بەشێوەیەكی رێك دەست بە ئامادەبوونی خۆی بۆ خولی نایاب بكات، سەرەتا بە ئەنجامدانی گرێبەستەكانی لەگەڵ یاریزانانی خۆی و گەرانەوەی هەندێ‌ لە یاریزانەكانی پێشووی خۆی كە یانەكەیان جێهێشت بوو بەرەو یانەكانی دیكەی كوردستان رویشتبوون و لە ئێستادا گەرانەوەی خۆیان بۆ یانەكەیان راگەیاندو پەیوەندیان بە یانەی سۆران كردەوە.
ئەگەرچی گەورەترین كوسپ و تەگەرەی یانەی سۆران نەبوونی یاریگای یاریكردنی یارییەكانی فەرمییە لە سۆران.
لە ماوەی رابردوو زیاتر لە 15 گرێبەستی یاریزانان و راهێنەری گۆڵپارێزانی راگەیاندوە و بە وێنە بڵاوی كردنەوە، هەریەك لە كاپتن حمودی راهێنەری گۆڵپارێزان و یاریزانان كابتنی یانەكە ئیدریس حوسێن و فەرهەنگ سەعدی و هۆشمەند تەهاو محەمەد سادق و كۆڤان نزمی و كۆڤان ئەسعەد سورچی و و سامی حوسێن و ئارس ئەنوەر و رەنجاو مسلیح و شوان دەحۆ و ئومێد حوسێن بۆ سێ‌ وەرز نوێ‌ كردەوە.
هەریەك لە یاریزانانی پێشوو هاوكار سەعدی و بارزان قاسم پەیوەندیان بە یانەی سۆران كردەوە و بۆ سێ‌ وەرز گرێبەستی خۆیان واژوو كرد، بەپێی زانیارییەكانیش سیاكۆ موستەفا یاریزانی یانەی ئارارات پەیوەندی بە یانەی سۆرانەوە كردەوە.
بەپێی زانیاریش شوان عەبدوڵڵا یاریدەدەری راهێنەری یانەی سۆران بەهۆی ژیانی تایبەتی خۆی دەست لەكاركێشانەوەی خۆی پێشكەش بە یانەی سۆران كردوە.

بابەتى پەیوەندیدار وەرزشى

زۆرترین بینراو