یەکەمین فێستیڤاڵی جلوبەرگی کوردی لە سنە بەڕێوە دەچێت

یەکەمین فێستیڤاڵی جلوبەرگی کوردی لە سنە بەڕێوە دەچێت

 

یەکەمین فێستیڤاڵی مۆدیل و جلوبەرگی کوردی لە سنەی ڕۆژهەڵاتی کوردستان بەڕێوە دەچێت و فەڕۆخ لەقا موعتەمەد وەزیری وەک سکرتێری پێشانگاکە دەستنیشان کراوە و لەو فێستیڤاڵەشدا پسپۆڕان لە سەر تەوەری فەرهەنگی مۆدیل و جلوبەرگی کوردی وتار پێشکەش دەکەن.

فێستیڤاڵەکە لە سەر ئەرکی دایرەی ڕۆشنبیریی پارێزگای کوردستان و بنکەی فەرهەنگیی مەستوورە ئەردەڵان و بە هاوکاریی ڕێکخراوی نیشتمانیی مۆدیل و جلوبەرگی ئێرانی بەڕێوە دەچێت و ئامانجی فێستیڤاڵەکەش پاراستنی فەرهەنگی پۆشینی جلوبەرگی کوردی و بەرزکردنەوەی ناسنامەی نیشتمانی و برەوپێدانی جلوبەرگی کوردییە.
جێگری بەڕێوەبەری بازنەی ڕۆشنبیریی سنە باسی لەوە کردووە کە بانگهێشتنامەی بەشداریکردن بۆ پێنج پارێزگای کوردستان و ئیلام و کرماشان و ئازەربایجانی ڕۆژئاوا و خوراسانی باکوور نێردراوە و کێبەرکێی فێستیڤاڵەکەش لە چەند بەشی دروومان و دیزاینی قوماش و دیزانی جل و بەشی مۆدیل بەڕێوە دەچێت.
ناوبراو ئاماژەی بە کاتی بەڕێوە چوون و دەرفەتی ناردنی بەرهەمەکانیش کرد و ڕایگەیاند: بەشداربووان دەتوانن تا ٢٠ی پووشپەڕ (١٠ی تەمووزی ٢٠١٩) بەرهەمەکانیان بۆ ئەو فێستیڤاڵە بنێرن و ئەنجامی هەڵسەنگاندنەکەش تا ٣٠ پووشپەڕ ڕادەگەیێندرێت و پێشانگاکەش لە ڕۆژی ٥ بۆ ١٠ی مانگی گەلاوێژ لە باڵەخانەی خەسراوا و هۆڵی فەرهەنگی و هونەریی فەجری شاری سنە بەڕێوە دەچێت.

زۆرترین بینراو