‎ڕاگەیندراوێك لە ژووری ئۆپەراسیۆنی سۆران

‎ڕاگەیندراوێك لە ژووری ئۆپەراسیۆنی سۆران

زاری كرمانجی – سۆران: دوابەدوای بڵاوبوونەوەی رێكارەكانی رێنمایی بەرەنگاربوونەوەی ڤایرۆسی كۆرۆنا لە ژووری ئۆپەراسیۆنی پارێزگای هەولێر بەمەبەستی قەدەغەی هاتووچۆ، ژووری ئۆپەراسیۆنی سۆران پاككتاوكردنی تەواوی رێنماییەكان بۆ گونجاندن لەگەڵ هەلومەرجی سنووری قەزای سۆران بەمشێوەیە لەلایەن بەرپرس و ئەندامانی ژووری ئۆپەراسیۆن بڕیاری لێوەدرا..
‎یەكەم/ بۆ ماوەی (28) ڕۆژ كەرەنتین و قەدەغەی تەواوەتی هاتووچۆ لە سنوری قەزای سۆران بەردەوام دەبێت، بەڵام لەپێناو بژێو و كارو كاسبی خەڵك، بڕیارماندا لە كاتژمێر (12)ی شەوی رابردوو 4 لەسەر5ی 7/2020، قەدەغەی هاتووچۆی تەواوەتی لەسنووری قەزای سۆران هەڵبگرین، لەگەڵ ئەوەدا داوا لە هاوڵاتییان و دانیشتوانی سنووری قەزای سۆران دەكەین، لەپێناو ئەوەی هەموو لایەك سەلامەت بن و بتوانین كۆنترۆڵی ئەم ڤایرۆسە بكەین، هەر كەسەو لەلای خۆییەوە ڕێنماییە تەندروستییەكان و ڕێكارەكانی خۆپارێزی جێبەجێ بكەن و (دەمامك) ببەستن و لەماڵەكانتان بمێننەوە و پابەندن بن بەم كەرەنتینەی كە (6) ڕۆژمان لێی تێپەڕاندووە و هێشتا (22) ڕۆژی ترمان لەپێشدا ماوە، بۆ كاری زۆر پێویست نەبێت لەماڵەكانتان مەیێنە دەرەوە.
‎دووەم/ بڕیارماندا لە كاتژمێر (12)ی شەوی رابردوو 4 لەسەر5ی 7/2020، بۆماوەی یەك هەفتە تاوەكو كاتژمێر12ی شەوی 11 لەسەر 12ی 7/2020 ڕێكارەكان بەمشێوەیەی لای خوارەوە بێت:-
‎1- لە سنووری سەنتەری شار و سەرجەم ناحیەكان، لەكاتژمێر (8)ی ئێوارە تاوەكو (5) بەیانی، سەرجەم بازاڕ و دوكان و هەموو ئەو شوێنانەی بۆ خزمەتی هاوڵاتییان كراوەن دادەخرێن، جگە لە دەرمانخانەكان.
‎2-هاتووچۆ لەنێوان پارێزگای هەولێر و پارێزگاكانی دیكەی هەرێمی كوردستان و عێراق، بەداخراوی دەمێنێتەوە و ڕێگە بە هیچ كەس نادرێت بێتە ژوورەوە، جگە لەو حاڵەتانە نەبێت كە لە بەیانی وەزارەتی ناوخۆی حكومەتی هەرێمی كوردستان دیاریكراون، بۆیە تكامان وایە كەس خۆی لە رێگا نەدات بۆ بازگەكان، چونكە رێگەیان پێنادرێت
‎3-سەبارەت بە دابەشكردنی مووچە، بەپێی ڕێكار و ڕێنماییە تەندروستییەكان و ئەو میكانیزم و شێوازەی لەلایەن وەزارەتەكانیانەوە بۆیان دیاریكراوە، فەرمانگەكان مووچەی فەرمانبەرانیان دابەشدەكەن، داوا لە فەرمانگەی وەزارەتە جیاوزەكان دەكەین میكانزمی گونجاو دابنێن بۆئەوەی لەكاتی دابەشكردنی مووچە كەمترین بەریەككەوتن هەبێت.
‎4-كردنەوەی نۆڕینگە و سەنتەرو كۆمەڵگە پزیشكییەكان ئارەزومەندانە دەبێت و ئەوانەشی كراوەدەبن دەبێت ئەو مەرجانەی خوارەوە یان تێدابێت:
‎ـ كردنەوەی نۆڕینگەكان لە كاتژمێر (3)ی دوای نیوەڕۆ بۆ (7)ی ئێوارە دەبێت.
‎ـ لە هۆڵی چاوەڕوانی لە چوار نەخۆش زیاتری لێ نەبێت و نێوانی هەر یەكەیان دوومەتر كەمترنەبێت.
‎ـ پزیشك دەستكێشی لەدەست بێ و (دەمامك) ببەستبێ.
‎ـ نەخۆش یەك هەواڵی زیاتر لەگەڵ نەبێت و هەردوكیان (دەمامك)یان بەستابێ.
‎ـ ڕۆژانە نۆڕینگە و سەنتەر و كۆمەڵگاكان (تعقیم) بكرێن.
‎ـ لەو ماوەیەدا لە(كاتژمێر 3 بۆ 7) لە (10) نەخۆش زیاتر نەبینرێت.
‎5- سەرجەم شۆفێرانی (تەكسی، پاس، مینی پاس) دەبێت پابەندی ڕێنماییە تەندروستییەكان بن و بۆ تەكسی لەدوو سەرنشین زیاتری نەبێ و پاسەكانیش لە نیوەی سەرنشینەكان زیاتر نەبێ، خۆیان و سەرنشینەكانییان (دەمامك) ببەستن و هەر كەسێك سەرپێچی لەم بڕیارە بكات، لەلایەن پۆلیسی هاتوچۆوە، ڕووبەڕووی ڕێكاری یاسایی دەبێتەوە و بە بڕی(50) هەزار دینار غەرامە دەكرێت.
‎6-چێشتخانەكان، بە پابەندبوون بەڕێنماییە تەندروستییەكان، تەنها بۆیان هەیە خواردن بە سەفەری یان بە دلیڤەری بفرۆشن.
‎7- بەهۆی بڵاوبوونەوەی ڤایرۆسی كۆرۆنا بە شێوەیەكی فراوان‌ (مزگەوت، كڵێسا، شوێنە ئاینییە پیرۆزەكان، هۆڵی بۆنە ئاینییەكان) بەداخراوی دەمێننەوەو پرسە دانان لە ماڵ و هۆڵ و هەموو شوێنێك و چوونە سەرقەبران قەدەغەیە.
‎8-ئەم شوێنانەش بەداخراوی دەمێننەوە (سەنتەرەكانی فێركردنی زمان،پاركە گشتی و تایبەتیەكان، شوێنەكانی یاری منداڵان لە ناو مۆڵ و گەرەكەكان، هۆڵەكانی سینەما، هۆڵەكانی ئاهەنگ گێران، هۆڵەكانی بووك گواستنەوە، یانەی شەوانە، نێرگەلەكێشان، هۆڵ و سەنتەرەكانی لەشجوانی، هۆڵەكانی وەرزشی، مەلەوانگە، هۆڵەكەكانی ئاهەنگی شەوانە، یانەكانی مەی خواردنەوە (بار)، گەرماو (حەمام)، سەنتەرەكانی مەساج).
‎9- ساردەمەنی، چایەخانە، ڕیستۆرانتی باخچەكان، سەرجەم شوێنەكانی هاوشێوەیان، تەنها بۆیان هەیە بە سەفەری و لە رێگەی ئەو كەل و پەلانەی بۆ یەك جار بەكاردێت كاربكەن و مێزو كورسی دانانرێت.
‎10-ڕۆژانی هەینی، هەموو بازاڕ و دوكان و شوێنە گەشتیاری و سەرجەم شوێنە گشتییەكان بەتەواوی داخراو دەبن، جگە لە نانەواخانەو دەرمانخانەكان، هەركەسێك پابەندنەبێت رێكاری یاسایی بەرامبەر دەگیرێتەبەر.
‎11-لە ڕۆژی یەك شەممە 2020.7.5، تەنها دەوامی فەرمانگە پێویستییەكانی تایبەت بەكاروباری هاوڵاتییان، جگە لە (تەندروستی، پۆلیس، ئاسایش، فەرمانگە خزمەتگوزارییەكان)، بەسیستەمی شەفتات و بەڕێژەی لە 30% دەبێت لەڕۆژانی (یەك شەممە تاوەكو چوارشەممە)، لە كاتژمێر 9 بە یانی تاكو 1 ی دوای نیوەرۆ، سەرجەم فەرمانبەرانی فەرمانگەكان دەبێت (دەمامك) ببەستن، هەر فەرمانبەرێك لە كاتی دەوام (دەمامك)ی نەبەستابێت رێكاری كارگێری بەرامبەری دەگیرێتەبەر، هیچ هاوڵاتییەك و موراجعێك بەبێ بەستنی (دەمامك) بۆی نیە بچێتە ناو هیچ فەرمانگەیەك، هەر فەرمانگەیەك قەرەبالغی تێدا دروستبێت بە هەماهەنگی لەگەڵ وەزارەتی پەیوەندیدار دەوام لەو فەرمانگەیە ڕادەگرین، ئەو فەرمانبەرانەشی جێنشینی دەرەوەی شاری هەولێرن یان لە پارێزگایەكی دیكەن و دەوامییان لەناوی سەنتەری شاری هەولێرە، پێویست ناكات دەوام بكەن.
‎12- لە هەر شوێنێكی بازرگانی و بازار و دوكان و ماركێت و مۆڵ و چێشتخانەیەك رێنماییە تەندروستیەكان جێبەجێ نەكرێن، دەست بەجێ ئەم شوێنە دادەخرێت، بۆ ماوەیەك كە لە یەك هەفتە كەمتر نەبێت.
‎13- دەسەڵاتی تەواو دراوە بە قائیمقامیەتەكان بۆ خۆپارێزی لە كۆرۆنا و جێبەجێكردنی ڕێكارەكانی خۆپارێزی لەو ڤایرۆسە، لەكاتی پێویستیش بۆمان هەیە لەسنووری قەزاكەمان كەرەنتین و قەدەغەی تەواوەتی ڕابگەیەنین و گۆڕانكاری رێنمایەكان بكەی.
‎14- ئەم بڕیارانە لەكاتژمێر 12ی شەوی 4 لەسەر5ی 2020.7 دەچێتە واری جێبە جێكردنەوە تاوەكو كاتژمێر 12ی شەوی 11 لەسەر 12ی 7/2020.

‎ژووری ئۆپەراسیۆنی قەزای سۆران
2020.7.4

بیروڕا

زۆرترین بینراو