بەڕێوەبەرایەتی ئەوقافی سۆران سمینارێكی  لەسەر سیحر و جادوو دەرهاویشتە خراپەكانی سازكرد

بەڕێوەبەرایەتی ئەوقافی سۆران سمینارێكی لەسەر سیحر و جادوو دەرهاویشتە خراپەكانی سازكرد

زاری كرمانجی-سۆران: بەڕێوەبەرایەتی ئەوقافی سۆران، سمینارێكی لەژێر ناونیشانی (سحیر و جادوو دەرهاویشتە خراپەكانی لەسەر كۆمەلگە لە ڕوانگەی ئیسلامەوە) بەڕێوەبرد.
د. پشتیوان سرێشمەیی، بەڕێوەبەری ئەوقافی سۆران، بە زاری كرمانجی راگەیاند " پێشنیوەڕۆی ئەمڕۆ پێنج شەممە لە هۆڵی بەڕێوەبەرایەتی ئەوقافی سۆران، بە ئامادە بوونی ژمارەیەكی بەرچاو لە مامۆستایانی ئایینی و میوانان و نوێنەرانی پۆلیسی نەهێشتنی تاوان و پۆلیسی ناو شاری سۆران، سمینارێكمان لەژێر ناونیشانی: (سیحر وجادو دەرهاوێشتە خراپەكانی لەسەر كۆمەلگە لەڕوانگەی ئیسلامەوە)، بۆ هەریەك لە مامۆستایانی ئایینی "مەلا مەحموود گەڵالی و مەلا مسكین ئێدلبی" ئەنجامدا".
گووتیشی " لەسمینارەكەدا تیشك خرایە سەر دەرهاویشتە خراپەكانی سیحر و جادوو كاریگەرییەكانی لەسەر تێكدانی كۆمەڵگەو باسیش لەوە كرا كە لە ڕوانگەی ئیسلامەوە سیحر و جادو حەڕام و نا پەسەندە، پێویستە ڕێگری لەو جۆرە كەسانە بكرێت كە پەنا بۆ ئەم جۆرە كارە ناشیاوانە دەبەن، دواتریش لەلایەن ئامادەبووانەوە پرسیارو پشنیار ئالۆ گۆڕ كران و بەتێرو تەسەل گفتوگۆیان لەسەر كرا.

زۆرترین بینراو