نەهامەتییەكانی ریال دوای كلاسیكۆ

نەهامەتییەكانی ریال دوای كلاسیكۆ

زاری كرمانجی- ئاژانسییە هەواڵییە وەرزشییەكان: نەهامەتییەكانی ریال مەدرید لە دوای كلاسیكۆ بەردەوامن، دوای پێكانی كۆمەڵێك یاریزانی یانەكە ئەمجارەیان كرووس تووشی پێكان بووە.
كەناڵی گۆڵی ئیسپانی رایگەیاندووە، لە یاری كلاسیكۆ تۆنی كرووس هەستی بە ئازار كردووە، بۆیە زیدان لە یارییەكە هێنایە دەرەوە، لە خولەكەكانی كۆتایی یارییەكە كرووس بە پێكانەوە یاری كردووەو نەیدەتوانی بە باشی و رێكی رابكات.
كەناڵە ئیسپانییەكە ئاشكرایكردووە، كرووس دوێنێ بەشداری راهێنانەكانی كردو بەبێ هیچ كێشەیەك دەتوانێ بۆ یاری بەرامبەر لیڤەرپوول ئامادە بێت.
جگە لە كرووس، هەریەكە لە فێدریكۆ ڤالڤیردی و لۆكاس ڤاسكێز لە یاری كلاسیكۆ تووشی پێكان بوون و وا بڕیارە پشكنینیان بۆ بكرێت تا وادەی دووركەوتنەوەیان لە یاریكردن دیاری بكرێت.