هەلبەستڤان و نڤیسەر حازم بلەیی: نیشتیمان و ئازادی ژێدەرێ‌ پرانیا بەرهەمێن منە

هەلبەستڤان و نڤیسەر حازم بلەیی: نیشتیمان و ئازادی ژێدەرێ‌ پرانیا بەرهەمێن منە

رەمەزان هەرنی – بلێ :
 هەلبەستڤان و نڤیسەر حازم محەمەد مستەفا سەعید كو ب حازم بلەیی هاتیە ناسین خودان چەندین بەرهەمێن چاپكریە ژ هەلبەستێن زارۆكان و ئەڤینی و شۆرشگێری نەتەویی كار دكەت بۆ تۆمار كرن و كلیپ كرنا هەلبەستەكێ و چاڤەرێ سپۆنسەرەكێ دكەت هاریكاریا وی بكەت.
هەلبەستڤان و نڤیسەر حازم بلەیی ددیدارەكێ دا بۆ زاری كرمانجی راگەهاند " سالا 1997 من دەست ب نڤیسینا هەلبەستێ كرییە، ئەڤ پەرتووكە ل دەمێ بووری من  چاپ و بەڵاڤكرینە، هەلبەست(كیڤی یێ‌ عەشقێ‌)،پەرتووكا(دەرگەهەك بۆناساندنا جینۆسایدا بارزانیان دناڤبەرا سالێن 1975 - 1991 ، نڤیسین حازم بلەیی و كرمانج چالی و رازی زێتی ، پەرتووكا (جینۆسایدا وارێ‌ شرینێ‌) ،پەرتووكا (هێڤێن).پەرتووكا (وارێ‌ كیڤییا)،پەرتووكا (دەمژمێر هەشت)پەرتووكا(شوڕشا شێخ محەمەد بارزانی)،پەرتووكا(مێژویا كارگێری ل دەڤەرا بارزان(قەزا مێرگەسۆر) نڤیسین غەفور ئەحمەد و حازم بلەیی 1878-2020 .
هەلبەستڤان حازم ئاشكرا كر " هەلبەست دەڕبرینە ل ناخێ‌ دلی، ڤیانە، هەستكرنە، خەبتینە، بزاڤە، بەردەوامییە، هوشیارییە، گەیاندنا ئاریشەو گرفتێن جڤاكینە. هەلبەستڤانێ‌ سەركەفتی ئەوە كو ب كویری و دەربڕینێ‌ ل ناخێ‌ خۆ خەلكێ‌ خۆ بكەت، بەردەوام ڤەخوینیت و ژان و نەخوشیێن جڤاكی خۆ بێخیتە بەرچاڤ و بزاڤا چارەسەركرنێ‌ بدەت، سەرەدەرییەكا باش دگەل پەیڤا بكەت و شێوازەكێ‌ هەلبژێریت كو‌ گونجایی بیت و دەمێ‌ خو زۆر ب هەلبەستێ تەرخان بكەت و پشتەڤانی ژ بوارێ هەلبەستێ بهێتە كرن."
خویاكر" تۆماركرنا هەلبەتسێ ب دەنگی پێدڤی ب ئاواز و موزیك و دەرهێنەرو هاریكارو ئامێرێن دەنگی هەیە،كو بۆ من یاب زەحمەتە ، هەرچەندە نوكە بەرهەڤیا دكەم بۆ وێ‌ چەندێ‌ هەلبەستا ب(هەژاری)كلیپ ژی بكەم بەلێ‌ هێشتا دەرفەت چێنەبویە ژبەركو قوتابی مە، ئەو بەرهەمێن هاتیە چاپكرن و بەلاڤكرن ئەڤینی و نیشتیمانی و یێن زارۆكان بوونە ب ئەلفا بێیا عەرەبی و لاتینی هاتینە بەلاڤكرن" .
گوت " هەلبەستێ بۆ هەموو تاخێن جڤاكی دنڤیسم ل دووڤ شیان و ڤیان و دەرفەتا لبەر دەست، نیشتیمان و ئازادی ژێدەرێ‌ پڕانیا هەلبەستێن منە. گرنگ و پێدڤیە زەلام هەلبەستێ ب ئافرەتێ بنڤیسیت ژبەركو زەلام ل دووڤ حەزو ڤیان و دیتنا خۆ وەسفێ‌ بۆ ئافرەتێ‌ دكەت و دبیتە هێڤێنێ‌ چێكرنا هەلبەستێ بۆ ئافرەتێ ژی هەمان تشتە. پەرتووكەكا هەلبەستێ لبەر دەستێ منە بناڤێ‌(ژانا دل)بەرهەڤیا بۆ دكەم دخوازم سپۆنسەرەك هەبیت كو بەرهەمێ چاپ بكەت".

زۆرترین بینراو