كرێكارانی سۆران گرفتی شوێنی وەستانیان هەیە 

كرێكارانی سۆران گرفتی شوێنی وەستانیان هەیە 

راپۆرت: محەمەد رزگار-زاری كرمانجی:
 وەك كرێكارانی سۆران بۆ زاری كرمانجی باسی لێوە دەكەن "بەهۆی خراپی شوێنی وەستانیان لە سەنتەری بازاڕی سۆران، زۆرجار رووبەڕووی كێشەو گرفت دەبنەوە، لەگەڵ ئەوەشدا بوونی شەقامی سەرەكی مەترسی لەسەر گیانیان دروست كردووە.
 سەعدی سەبری، یەكێكە لەو كرێكارانەی كە رۆژانە بۆ دۆزینەوەی كار روودەكاتە سەنتەری بازاڕی سۆران، بەزاری كرمانجی گووت "نەبوونی شوێن گرفتی گەورەی بۆ كرێكاران دروستكردوە.كە ئەم شوێنەی رۆژانە رووی تێدەكەن، سەنتەری بازاڕەو هیچ مەرجێكی سەلامەتی تێدانییە و شوێنی دانیشتنمان سەر شۆستەكانە، جگەلەوەی بەهۆی وەرزەكانی هاوین و زستان گرفت بۆ تەواوی كرێكارانی دروست دەبێت بەشێك لە كرێكاران لە وەرزی هاویندا بەهۆی بەرزی پلەكانی گەرما دەبورێنەوەو لەكاتی زستانیش لەبەر سەرماو باران بارین نەخۆشی و ئازار دەبنەوە".
 رەسوڵ حەسەن كرێكارێكی دیكە لە شوێنی كرێكاران لە بازاڕی سۆران بە زاری كرمانجی گووت "ماوەی رابردوو لەكاتی چوون بۆ لای خاوەن كارێك تووشی روداوی هاتووچۆ بووم زامدار بووم، دەشڵێت بەهۆی نەبوونی شوێن لەلایەن دوكاندارەكانی بازاڕ بەبیانووی دروست بوونی قەرەباڵغی زۆرجار لە شوێنەكە دووچاری دەركردن و دوورخستنەوە دەبین و گرفتمان بۆ دروست دەبێت".
 دەردەركرێین".
 لەلای خۆیەوە غەفار عومەر لە لیژنەی شارەوانی تایبەت بە زێدەڕۆیەكانی ناو بازاڕی سۆران گووتی "هەرچەندە لەماوەی ڕابردوو شوێنی كرێكاران گواسترایەوە بۆ شوێنێكی تر، بەڵام بەهۆی پابەند نەبوونیان و گەڕانەوەیان بۆ شوێنی خۆیان سەركوتوو نەبوو، جگەلەوەی بەشێك لە كرێكاران هەڵدەستن بە شێواندنی جوانكاریەكانی فلكەی سەرەكی بەمەش رووبەڕوی لێپێچینەوە دەبنەوە.

 

زۆرترین بینراو