زیانەكانی شەش مانگی ئەمساڵی رووداوەكانی دەڤەری سۆران 200 ملیۆن دینار بووە

زیانەكانی شەش مانگی ئەمساڵی رووداوەكانی دەڤەری سۆران 200 ملیۆن دینار بووە

زاری كرمانجی-سۆران:
 موقەدەم بەیار محیەدین گوتەبێژی بەڕێوەبەرایەتی بەرگری شارستانی سۆران، ئەمڕۆ چوارشەممە لە پرێسكۆنفڕانسێكی رۆژنامەوانیدا ئاماری رووداو كارو چالاكییەكانی شەش مانگی ئەمساڵی راگەیاند " بەپێی ئامارەكە لەكۆی زیاتر لە 218 رووداوی جۆراو جۆر لەسنووری هەرچوار قەزاكانی (سۆران، رواندز، مێرگەسۆر، چۆمان) لەوانە 203 رووداوی ئاگركەوتنەوە، كە زۆربەیان لە پۆش و پاوان و دارستان بووە، لەگەڵ ئاگر كەوتنەوە لە 38 ماڵی هاووڵاتییان و  42 رووداوی ئاگركەوتنەوە لە محاویلەو مۆلیدەی كارەباو پاشماوەی زبڵ و خاشاك و سووتانی 10 ئۆتۆمبێل بەهۆی شۆرتی كارەبای بزوێنەر و چەندین رووداوی دیكەی جۆراو جۆر، كە زیانەكانی ئەم رووداوانە بە نزیكەی 200 ملیۆن دینار خەملێندراوە".
ئەوەشی ئاشكرا كرد " ئەمساڵ بەهۆی رووداوەكان 9 كەس گیانیان لەدەستداوە، لەوانە خنكانی حەوت كەس لە رووبارەكان و هەڵدێرانی كەسێك لە شاخ و گیان لەدەستدانی، لەگەڵ دوو رووداوی مین كە بەهۆیەوەیە كەسێك گیانی لەدەستداوە، هەوروەها 16 كەسیش رزگار كراون".
 گووتیشی " لەلایەن تیمەكانمانەوە بەردەوام پەیامی هۆشیاری بە هاووڵاتییان دراوە لەگەڵ ئەنجامدانی كارو چالاكی جۆراو جۆرو پشكنین بۆ شوێنەكان و ۆرگ شۆپ و سمینارو رزگار كردنی چەندین شوێن لە سووتان و كۆنتڕۆلكردنی ئاگرەكان.

زۆرترین بینراو