ستۆیچكۆڤ: كەس وەك میسی نیە

ستۆیچكۆڤ: كەس وەك میسی نیە

زاری كرمانجی- ئاژانسییە هەواڵییە وەرزشییەكان: هریستۆ ستۆیچكۆڤی بولگاری و یاریزانی پێشووی یانەی بەرشەلۆنە ستایشی لیۆنێل مێسی ئەرجەنتینی دەكات و رایدەگەیەنێ هیچ كەسێكی وەك ئەوی نەدیووە.
لەچاوپێكەوتنێكدا لەگەڵ رۆژنامەی ماركای ئیسپانیدا ستۆیچكۆڤ گووتویەتی" لەژیانمدا هیچ شتێكی وەك لیۆنێل مێسم نەدیووە، هەموو رۆژێك بەكارێك بەجوڵەیەكی نوێ سەرسامت دەكات، كاتێك ناسیم ئەو منداڵ بوو، ئەو كوڕێكی لەخۆبوردو سادەو تێكۆشەرو بەجوڵە بوو".
ستۆیچكۆڤ لەبەشێكی دیكەی چاوپێكەوتنەكەدا باسی لویس سوارێزی كردوەو گووتویەتی" من سەرسامم بەو یاریزانە، هەرچەندە ئەو یاریزانە بەرشەلۆنەی جێهێشت، بەڵام لۆزیتۆ خۆی بە دەستەوە نەداو توانی نازناوی لا لیگا لەگەڵ ئەتلەتیكۆ مەدرید بباتەوەو هۆكارێكی كاریگەریش بوو بۆ بەدەستهێنانی ئەو نازناوە لەگەڵ یانەكەی".
ستۆیشكۆفی تەمەن 53 ساڵ باس لە دۆخی ئێستای یانەی ریاڵ مەدرید كردوەو رایگەیاندوە لەتۆپی پێدا هەندێك جار گەورەكان دەكەون، ریاڵ مەدرید پێویستی بە كاتە تا خۆی بنیات بنێتەوە.

زۆرترین بینراو