ئاڕەقی بەردەوام زەنگی هۆشدارییە لەبوونی كێشەی تەندروستی

 ئاڕەقی بەردەوام زەنگی هۆشدارییە لەبوونی كێشەی تەندروستی

زاری كرمانجی- ئاژنسییە هەواڵە جیهانییەكان: كۆمەڵگەی پزیشكی ناوخۆیی ئەڵمانیا ڕایگەیاند، ئارەق كردن پڕۆسەیەكی سروشتییە كە لەلایەن جەستەوە بۆ ساردبوونەوە لە كاتی بەرزبوونەوەی پلەی گەرما، كۆششی جەستەیی، شڵەژانی توند یان بەهۆی دڵەڕاوكێ و ترس روو دەدات.
بەڵام ئاڕەقەی بەردەوام هەروەكو كۆمەڵگەی ناوبراو هێمای بۆ كردووە رووداوێكی سروشتی نییە و جۆرە ئاگاداركردنەوەو هۆشداریكە لە بوونی كێشەیەكی مەترسیداری تەندروستی وەك هایپەرتیرۆیزم، پاركینسۆن، كەمی شەكری خوێن، نزمی پەستانی خوێن، كەمخۆراكی، كەمخوێنی و قەڵەوی، هەروەها كۆمەڵگەی پزیشكی ناوخۆیی ئەڵمانیا باس لە چەند كێشەیەكی تری تەندروستی دەكات وەك ژەهراویبوونی خوێن و نەخۆشیەكانی ڕۆماتیسمی وەك هەوكردنی جومگەكانی ڕۆماتیزم ، نەخۆشیەكانی ڕیتمی دڵ ، نەكەوتنی دڵ و شێرپەنجەی خوێن و لیمفۆم .
كاریگەری لاوەكی هەندێك دەرمانی وەك دژە خەمۆكی، هۆرمۆنی تیرۆید، ئامادەكاری كۆرتیسۆن و بلۆكەرەكانی بێتا (بۆ چارەسەری دڵ و دەمارەكان) هۆكارێكی ترن بۆ ئارەقی بەردەوام.
لەگەڵ ئەوەشدا كۆمەڵگەی ناوبراو ئامۆژگاری ئەو كەسانە دەكات كە بە بەردەوامی ئاڕەق دەكەن، راوێژ بە پزیشك بكەن، تاكو هۆكارەكانی پاڵ ئارەقكردنەكەیان بۆ روون ببێتەوە و گەر پێویست بوو دەرمانی دژە ئارەق، دەرزی بۆتۆكس و چارەسەرییەكانی تریان بۆ بكرێ.

بابەتى پەیوەندیدار جۆراوجۆر

زۆرترین بینراو