هەزاران گەشتیار سەردانی سۆران و رواندز دەكەن

هەزاران گەشتیار سەردانی سۆران و رواندز دەكەن

موڕشید برادۆستی–سۆران: بەڕێوەبەری گەشت و گوزاری سۆران ئاشكرای دەكات، ئامادەكاری تەواو بۆ ئاهەنگی سەری ساڵ كراوە و چاوەڕوانی حەوت هەزار گەشتیار دەكەین .
دەڤەری سۆران، 30%ی ناوچە گەشتیاریەكانی عێراق و كوردستان پێكدێنێت هەروەها 80 %ی ناوچە گەشتیاریەكانی هەموو پارێزگەی هەولێر پێكدێت، تەنها لە ساڵی 2019 یەك ملیۆن گەشتیار و سەردانیكەر روویان لە ناوچە گەشتیاریەكانی سۆران، رواندز، مێرگەسۆر، چۆمان كردووە .
بارزان محەمەد بەڕێوەبەری گەشت و گوزاری سۆران بە زاری كرمانجی راگەیاند"هەموو رۆژانێكی پشتوو بە تایبەت رۆژانی هەینی و شەممە بە بەردەوامی پێنج هەزار گەشتیار هەندێ جار زیاتریش سەردانی دەڤەری سۆران دەكەن و لەگەڵ سرووشت و ئاوهەوا و ناوچەی گەشتیاری و بەفراوی سەرنج راكێش، كاتی خۆش بەسەر دەبەن .
بەڕێوەبەری گەشت و گوزاری سۆران دەڵێت" هاتنی گەشتیاران بۆ دەڤەرەكەمان بە بەراورد بە ساڵی رابردوو زیادی كردووە، ئەمەش پەیوەندی هەیە بە چەند هۆكارێكەوە هەیە، لەوانە هەبوونی رێژەی زۆری ناوچەی گەشتیاری و سرووشت و دیمەنی جوانی كوردستان، هەبوونی تەناهی و ئارامی، پێشكەش كردنی خزمەت گوزاری و چەند ئاسانكاریەك بۆ گەشتیاران بەتایبەت لە بازگە و دەروازە سنووریەكان و فڕۆكەخانەكان بە جوانترین شێوە پێشوازیان لێ دەكرێت" .
دووپاتی كردەوە" بۆ سەری ساڵ ئامادەكاری تەواو مان كردووە و لە چیای كۆڕەكی گەشتیاری و شنگلبانە، بە ئاهەنگ پێشوازی لە گەشتیاران و سەری ساڵی نوێ دەكەین ، هەروەها ئامادەكاری دەكەین بۆ فیستیڤاڵی خلیسكانێی سەر بەفر هاوشێوەی ساڵی رابردوو ساز دەكەین، لە هەوڵداین بۆ دۆزینەوەی سپۆسنەر" .
ئاشكراشی كرد" ئەو گەشتیارانەی بۆ ناوچەكەمان دێن، بەشی هەرە زۆری لە باشوور و ناوەڕاستی عێراق پێكهاتووە، كە 85% گەشتیاری عەڕەبە، ئەوانی تر گەشتیاری نێوخۆیین لە پارێزگاكانی هەولێر، سلێمانی، دهۆك، هەڵبجە و كەركووك گەرمیان بە شێكیشییان گەشتیاری بیانین روو لە دەڤەرەكەمان دەكەن و لە نێو بەفر و كەشی دەڤەرەكەمان گەشتی خۆش ئەنجام دەدەن .

زۆرترین بینراو