كارەبای سۆران كم دەكرێتەوە و بەرپرسانیش لێدوان نادەن

كارەبای سۆران كم دەكرێتەوە و بەرپرسانیش لێدوان نادەن

زاری كرمانجی- سۆران: بەپێی زانیاری و بەدواداچوونەكانی زاری كرمانجی، ماوەی پێدانی كارەبا بۆ قەزای سۆران كم كراوەتەوە بۆ 11 كاتژمێر، ئەمەش هاووڵاتییانی نیگەران كردووە و بەرپرسانیش ئامادە نین لێدوان لەمبارەوە بدەن".
 بە پێی زانیارییەكان كە لە سەرچاوەكانی هەولێرەوە دەست زاری كرمانجی كەوتوون، بە هۆی ئەوەی "لەم مانگەدا كۆنتڕۆڵی كارەبای هەرێم 14 كاتژمێر كارەبای داوەتە قەزای سۆران، ئەمەش لە چاو شوێنەكانی دیكە رێژەی زیاتر بووە، بۆیە ئێستا ئەو كاتژمێرە زیادانەی پێشتر دراونەتە سۆران لێی كم دەكرێتەوە".
 ئەمە لە كاتێكدایە كە وەزارەتی كارەبا رایگەیاند رۆژانە 14 كاتژمێر كارەبا دەدەنە هاووڵاتییان، بەڵام ئێستا 11 كاتژمێر دەدرێتە قەزای سۆران.
بەرپرسانی تایبەتمەندیش لەمبارەوە هەواڵەكە پشتڕاست دەكەنەوە، بەڵام ئامادە نین لێدوان بدەن.