نرخەكەی یەك ملیۆن دۆلارە

نرخەكەی یەك ملیۆن دۆلارە

عێراق پەرتووكی (ئەستێرەی داود) ی دۆزییەوە 

زاری كرمانجی- مەهدی محەممەد : ڕۆژ لە دوای ڕۆژ رێژەی دزینی گەنجینە و شوێنەوارییەكانی عێراق زیاتر دەبێ، ئەویش لە ئەنجامی ئەو هەڵومەرجە نائاساییەی كە میزۆپۆتامیا دەیان ساڵە پێیدا تێدەپەڕێ، لە شەڕی ناوخۆ و دەرەوە، گەمارۆ و دەستێوەردانی هێزە دەرەكییەكان بۆ ناسەقامگیریی سیاسی و ئەمنی.
شارەزایان دەڵێن"مافیاو تۆڕەكانی فریودەر، كە تایبەتن بە بازرگانیكردن بە ئاسەوارە دزراوەكان، كار لەسەر ئەوە دەكەن تاڵان و قاچاغییی ببێتە دیاردە" .
چوار تۆمەتبار بە بیانووی دزینی كتێبی شوێنەواری پیرۆزی "ئەستێرەی داود" دەستگیركران.
وەزارەتی ناوخۆی عێراق لەمبارەوە راگەیاندراوێكی بڵاوكردەوە كە تیدا هاتووە"دوای ئەوەی زانیاری هەواڵگریمان پێگەیشت كە كۆمەڵێك كەس لە مۆزەخانەی نیشتیمانی ی عێراق هاوبەشن لە دزینی چەندین ئاسەواری كۆن، لەلایەن دەسەڵاتدارانی ئاسایشەوە فریودران، بە شێوەیەكی خۆحەشاردراو بە وەهمی كڕینی كتێبی بەنرخی شوێنەواری بە بڕی 1 ملیۆن دۆلار، دوابەدوای ئەوە بۆسەیەكی توند كرا و تۆمەتبارانی تاوانەكە دەستگیر كران و تواندرا پەرتووكی دزراوی (ئەستێرەی داود) بەر لە فڕۆشتنی بگەڕێننەوە بۆ مۆزەخانەكە".
دەستگیركراوەكان دانیان بەتێوەگڵانیان لەدزیكردندا نا و دادوەری لێكۆڵینەوەش بڕیاریدا بەپێی مادەی 44 ی یاسای كەلەپورو شوێنەواری عێراقی دەستگیریان بكات. 
عێراق یەكێكە لەدەوڵەمەندترین وڵاتانی جیهان، كە شوێنەواری مێژوویی زۆری هەیە، بەڵام لەئێستادا بەشی زۆری شوێنەوارەكانی تاڵانكراون و ئاسەوارەكانی لە بازاڕی رەشدا كڕین و فڕۆشتنی پێوە دەكرێت.

 

 

 

زۆرترین بینراو