مانچینی: بڕیاری كیلینیم نەداوە

مانچینی: بڕیاری كیلینیم نەداوە

زاری كرمانجی- ئاژانسییە هەواڵییە وەرزشییەكان: راپۆرتێكی رۆژنامەوانی ئیتاڵی ئاشكرایكردوە گەشبینییەك لە نێو كەمپی هەڵبژاردەی ئیتاڵیادا هەیە سەبارەت بە ئەگەری گەڕانەوەی كیلینی بۆ یارییەكەیان بەرامبەر بەلجیكا.
لە یارییەكانی قۆناغی چارەكی كۆتایی جامی نەتەوەكانی ئەوروپا رۆژی هەینی هەڵبژاردەی ئیتاڵیا رووبەڕووی هەڵبژاردەی بەلجیكا دەبێتەوە، یارییەكەش لەسەر یاریگەی ئالیانز ئەرێنا بەرێوەدەچێت.
بەپێی هەواڵێكی رۆژنامەی فوتبۆڵ ئیتاڵی، ئازۆری لەئامادەكارییەكانی بۆ ئەو یارییە بەردەوام بووەو گەشبینییەكی زۆر هەیە تا ئێستا بۆ ئەوەی كیلینی لەو یارییە لە پێكهاتەی سەرەكی بێت.
كیلینی تەمەن 36 ساڵ بە هۆی پێكانەوە لە یارییەكانی هەڵبژاردەكەی بەرامبەر وێڵز و نەمسا یاری نەكرد، بەڵام لە ئێستادا لەلایەن كارمەندانی پزیشكییەوە لەژێر كۆنترۆڵی توند دایە، ئەگەری ئەوەش هەیە كە رووبەڕووی بەلجیكا بێتەوەو لەگەڵ بۆنۆچی هەوڵی راگرتنی لۆكاكۆ بدەن.
رۆبێرتۆ مانشینی راهێنەری ئیتاڵیا هێشتا بڕیاری نەداوە كێ سەركردایەتی بەرەی راستی بەرگری بكات لەنێوان ئەلساندرۆ فلۆرینزێ و رافائێل تۆلۆی، دەیەوێ دڵنیابێت لە یارییكردنی هازارد ئەو كات بڕیاری كۆتایی بدات.