لاپۆرتا: گومانم نیە نازناوەكە دەبەینەوە

لاپۆرتا: گومانم نیە نازناوەكە دەبەینەوە

زاری كرمانجی- ئاژانسییە هەواڵییە وەرزشییەكان: دوا بەدوای شكستەكەی بەرشەلۆنە لە یاری كلاسیكۆ، خوان لاپۆرتا لە هەژماری خۆی لە تویتەر تویتێكی كردبوو تێیدا ئاماژەی كردوە كە بەدۆڕانی كلاسیكۆ واز لەبردنەوەی لیگا ناهێنن.
لاپۆرتا كە ماوەیەكی كورتە سەرۆكایەتی بەرشەلۆنەی وەرگرتوە، لە تویتەر نووسیویەتی" هێشتا 8 یاریمان ماوە لە لیگا، تا بتوانین نازناوەكە ببەینەوە، من هیچ گومانێكم نیە، كە یانەكەمان تا دوا یاری بۆ ئەوە دەجەنگێت، بژی بەرشەلۆنە".
یارییەكەی ریال مەدریدو بەرشەلۆنە كە بەئەنجامی 2-1 بۆ ریال مەدرید كۆتایی پێهات، یەكەمین یاری كلاسیكۆ بوو بۆ لاپۆرتا دوای گەڕانەوەی جارێكی دیكە بۆ سەرۆكایەتی یانەی بەرشەلۆنە، پاش ئەوەی لە هەڵبژاردنەكان زۆرترین دەنگی هێنابوو.

زۆرترین بینراو