كانیوار:  لەم نزیكانە گۆرانییەكی نوێی بڵاو دەكەمەوە

كانیوار: لەم نزیكانە گۆرانییەكی نوێی بڵاو دەكەمەوە

رەمەزان هەرنی – بارزان 
: سترانبێژی گەنجی دەڤەری بازران، كانیوار یونس لەگەڵ سازە هاوڕێیەكەی هەمیشە گۆرانی بۆ جوانی و خۆشەویستی دەڵێن، ئەو لە دیمانەیەكی تایبەتی زاری كرمانجی باس لە بەرهەمێكی نوێی خۆی دەكات كە لە دەمێكی نزیكدا بڵاوی دەكاتەوەو ئەوەش دەڵێ‌ گەر پاڵپشتی و هاوكاری بكرێت بەرهەمی باشتر پێشكەش بە هەوادارنی خۆی دەكات.
كانیوار هەروەكو خۆی بۆ زاری كرمانجی باسی دەكات لە ساڵی 2016 لەگەڵ ساز بۆتە هاوڕێ و دەستیكردووە بە فێربوونی ئەو ئامێرە موزیكەیە، دوای ئەوەی بە تەواوی خۆی فێری ساز لێدانكردووە ئەو كات دەستی كردووە بە گۆرانی وتن"دوای ئەوەی بە تەواوی خۆم فێری ژەنینی ئامێری ساز كرد، ئەو كات دەستمكرد بە گۆرانی وتن و چەند سترانێكم تۆمار كرد و پاڵپشتی و هاندانی بەردەوامی خانەوادەكەشم بە تایبەت باوكم، زیاتر گەرمتری دەكردم لەوەی بەرهەمی باشترو جوانتر پێشكەش بكەم"، 
گۆرانی(ئەسمەر) كانیوار ی زیاتر ناساند، بۆیە دەڵێ‌"گۆرانی ئەسمەر هۆنراوەو ئاوازی حاجی بارزانی بوو، ئەو گۆرانییە بۆ من زۆر تایبەت و گرنگە، چونكە ئەو سترانە دەنگدانەوەیەكی باشی هەبوو، هەر ئەویش  وایكرد زیاتر بناسرێم"،
كانیوار بێ ئەوەی هیچ زانیارییەك لەسەر بەرهەمە نوێیەكەی بدات، بە زاری كرمانجی راگەیاند"لە دەمێكی نزیكدا بەرهەمێكی نوێی بڵاو دەكەمەوە".

زۆرترین بینراو