كارەبا ئاكرێ‌ : پشكدارێن كارەبێ‌ نیزیكی 20 ملیار دینارا قەردارێن بهایێ‌ كارەبێ‌ نە

كارەبا ئاكرێ‌ : پشكدارێن كارەبێ‌ نیزیكی 20 ملیار دینارا قەردارێن بهایێ‌ كارەبێ‌ نە

 

زاری كرمانجی : ل سنوورێ‌ قەزا ئاكرێ‌ و گوندێن دەردوور ناحیێن سەر ب وێ‌ قەزایێ‌ ڤە دەمێ‌ چەندین سالە وەلاتیان هەیڤانە پارێ‌ كرێیا كارەبێ‌ نەدایە و ئەڤەژی بۆیە ئەگەر كۆر رێژا قەرێن پشكدارێن كارەبێ‌ بگەهنە ئاستەكێ‌ بلند رێڤەبەرێ‌ كارەبا ئاكرێ‌ ژی ئاشكرا دكەت كۆ ژبەر هەبۆنا قەرا كارەبا چو مالان نەهاتیە برین و ناهێت برین .
ئەندازیار عەونی مەلا ئەنوەر ، رێڤەبەرێ‌ كارەبا ئاكرێ‌ بۆ زاری كرمانجی راگەهاند : پشتی دروستبوونا شەرێ‌ داعش و قەیرانا دارایێ‌ كۆ رەوشا ئابووریا كوردستانێ‌ تێكچوو وەلاتی و پشكدار بۆنە قەردارێن كارەبێ‌ كۆ رۆژ بۆ رۆژێ‌ رێژا قەرێن پشكدارێن كرێیا كارەبێ‌ زێدە دەبن و نوكە نیزیكی 20 ملیار دیناران وەلاتی قەردارێن كارەبێ‌ نە ل سنوورێ‌ قەزا ئاكرێ‌ و ناحیی و گوندێن دەردوور بەلێ‌ ژبەر نەدانا قەرا كارەبا چو مالا نەهاتیە برین و ناهێتە برین ژی ب بریارا وەزارەتا كارەبێ‌ و جڤاتا وەزیران فشار ل مالان ناهێتە كرن بۆ دانا قەرێن كرێیا كارەبی.
گوتژی : 19 ملیارو 782 ملیۆن850 هزار دینارا ب شێوەیەكێ‌ گشتی وەلاتی و جهێن حوكومی و بازرگانی قەردارێن كرێیا كارەبێ‌ نە ژ وانا 16 ملیارو 250 ملیۆن دیناران مال قەردارن ، كەرتێ‌ پێشەسازی 103 ملیۆن دینارا قەرداران ، كەرتێ‌ میری 654 ملیۆن دینارا قەردارن ،كەرتێ‌ بازرگانی 2 ملیارو 500 ملیۆنا قەردارن ، كەرتێ‌ چاندنێ‌ 225 ملیۆنا قەردارن ، سەرجەمێ‌ گشتی دبیتە 19 ملیارو 782 ملیۆن و 850 هزار دینار پشكدار قەردارێن كرێیا كارەبێ‌ نە.
ئاشكراكر : ئەگەرێ‌ دروستبوونا ڤان قەران شەرێ‌ داعش و برینا بۆدجەیی بوو ژلایێ‌ حكومەتا عیراقێ‌ ڤە ل گۆر بریارەكا وەزارەتا كارەبێ‌ و جڤاتا وەزیران فشار ل مالان نەهێتە كرن كارەبا كەس نەهێتە برین بەلێ‌ كەرتێن دی مە رێكار هەنەو داخوازێ‌ لێدكەین و كارەبێ‌ ژی لێ‌ دبرین و مولەتێ‌ ژی ددەین جهێن گشتی .
خویاكر : پیڤەرێن زیرەك قوناغا ئێكێ‌ ل سەنتەرێ‌ قەزایێ‌ و سەنتەرێ‌ ناحیێ‌ و هژمارەكا كۆمەلگەها و گوندا دەستپێكریە و هەتا 20 هزار پیڤەران هاتینە گرێدان كۆ دبیتە رێژا 60% ، وەلاتی بۆ گرێدانا پێڤەرێن زیرەك چو خەرجیا ناكەت و هەموو لسەر ئەركێ‌ كارەبێ‌ یە .