پەكەكە كەرتی گەشتیاریی پەك خستووە

پەكەكە كەرتی گەشتیاریی پەك خستووە

زاری كرمانجی - پەكەكە لە زۆربەی ناوچە سنوورییەكان، بنكە و بارەگای داناوە، گشت ئەو دەڤەرانەش شوێنی گەشتیارین، كەچی پەكەكە لەو شوێنانە خاڵی پشكنینی داناوە، ئەمەش گەشتیارانی هەراسان كردووە، هەركاتێك شتێك رووبدات، كاریگەری نەرێنی دەبێت، ئەگەر پەكەكە لە ناوچە سنوورییەكان نەبێت، توركیاش بوردومانی ناوچەكە ناكات، گەشتیارێكی زۆر روو لە شوێنە گەشتیارییەكان دەكەن، هاووڵاتیان و  لایەنە پەیوەندیدارەكان داوا لە پەكەكە دەكەن لە ناوچەكە نەمێنێت بۆ ئەوەی ناوچە سنوورییەكان ئارام بن و گەشتیاران سەردانی شوێنە گەشتیارییەكان بكەن.
بە گوتەی بەرپرسانی كەرتی گەشتیاری كە بۆ ماڵپەڕی زاری كرمانجی قسەیان كردووە،  بەشێوەیەكی گشتی بەشێكی زۆر لە ناوچە گەشتیارییەكانی هەرێمی كوردستان دەكەونە ناوچە سنوورییەكان كە ئێستا بەهۆی شەڕ و پێكدادانی پەكەكە و توركیا مەترسیان لەسەرە، چونكە هەر ناوچەیەك كەشێكی ئارامی لێ نەڕەخسێت، بێگومان ناتوانرێ گەشتیاران ڕووی تێبكەن و كاتی خۆشی لێ بەسەر بەرن، هەروەها حكوومەت و سەرمایەدارانیش ناتوانن روو لەو شوێنانە بكەن بۆ گرنگی دان بە شوێنە گەشتیارییەكان، بۆیە ئەو شوێنانە لەرووی گەشتیاریی، كشتوكاڵی و زۆر بواری دیكە زیانیان بەركەوتووە و باری ئابووری تێكچووە ئەمەش زیانێكی گەورەیە بە گشتی بۆ هەرێمی كوردستان و بەتایبەتی بۆ هاووڵاتیان كە لەم شوێنانە نیشتەجێن، ئەگەر پەكەكە لەو ناوچانە نەبوایە وەبەرهێنانی باش دەكرا و گەشتیاری زۆر رووی لەو شوێنانە دەكرد و دەبنە هۆی ئەوەی كە گەشتوگوزاری هەرێمی كوردستان چەند هەنگاوێك بچێتە پێشەوە و زیاتر بناسرێت، زاخۆ، ئامێدی، ئاكرێ، مێرگەسۆر، سۆران، چۆمان، تا رانیە و پشدەر، شوێنی گەشتیاری زۆر باشیان هەیە، سرووشتێكی ناوازەیان هەیە، بەڵام تا ئێستا سوودی لێوەرنەگیراوە، ئەوەش هەموو لەبەر پەكەكەیە كە لەو ناوچانە بوونیان هەیە، ئەوەش زیانە بۆ گەشتوگوزاری هەرێمی كوردستان". 

زۆرترین بینراو