ماستەر پلانا شنگالێ ب تنێ حبرێ ل سه‌ر كاغه‌زێ یه‌

ماستەر پلانا شنگالێ ب تنێ حبرێ ل سه‌ر كاغه‌زێ یه‌

زاری كرمانجی : حكومه‌تا ئیراقێ چ نه‌كرییه‌ بۆ ماستەر پلانا شنگالێ رێگریكرن ژلایێ حه‌شدا شه‌عبی و په‌كه‌كێ ڤه‌ بەردەوامن بۆ ماستەر پلانێ و ئیران ژی یا رازی نینه‌.
مه‌حما خه‌لیل قایمقامێ شنگالێ بۆ زاری كرمانجی راگه‌هاند : هه‌تا نوكە ژی پەكەكە و حەشدا شەعبی یێ‌ هەموو هەولا ددەن بۆ لاوازكرنا دەنگێن خەلكێ‌ شنگالێ  لەورا ژی خەلكێ‌ شنگال پێدڤییە نەهێنە خاپاندن داكو مافێن وان بهێنە ب دەستڤەئێنان ل حكومەتا عێراقێ.
گوتژی : ئێدارا شنگال بەرنامە و ماستەر پلانەكا باش بۆ ئاڤەدانیا شنگال دانابوو لێ‌ هەتا ئەڤرۆ بەرنامە و ماستەر پلانا ئاڤەدانیا شنگال نەچوویە واری بجهئێنانێدا ژبەر كو ل شنگال چ قانوون نینە بەلكو پەكەكێ‌ و حەشدا شەعبی دەستێ‌ خۆ داناینە سەر شنگال و ئاستەنگە بۆ زڤرینا قانوونێ ل شنگال دروست دكەت.
ئاشكراكر :  د بەرژوەندیا وان دایە ئاوارێن شنگال نەزڤرنە سەر جهێن خۆ و پەكەكە و حەشدا شەعبی ناهیلن شنگال بهێتە ئاڤەدانكرن، داكو شنگال هەر بن دەستێ‌ واندا بمینت، لەورا ژی ئاستەنگ بۆ ئاڤەدانیا شنگالێ دروست دكەن.

زۆرترین بینراو