ئەمساڵ 12 كەس لە رووبارەكانی دەڤەری سۆران خنكاون

ئەمساڵ 12 كەس لە رووبارەكانی دەڤەری سۆران خنكاون

زاری كرمانجی-سۆران:

بەپێی ئامارێكی بەڕێوەبەرایەتی بەرگری شارستانی سۆران، لە سەرەتایی ئەمساڵدا تا لە رووبارەكانی سنووری ئیدارەی سۆران چەندین كەس خنكاون، گووتەبێژی بەرگری شارستانی سۆرانیش زانیاری لەمبارەوە دەخاتەروو.
 مقەدەم بەیار محیەدین، گووتەبێژی بەڕێوەبەرایەتی بەرگری شارستانی سۆران، بە زاری كرمانجی راگەیاند "سنووری بەڕێوەبەرایەتییەكەمان هەرچوار قەزاكانی (سۆران، رواندز، مێرگەسۆر، چۆمان) لە خۆدەگرێت لە سەرجەم ئەم قەزایانەو زۆربەی ناحیەكانیش بنكەی بەرگری شارستانیمان كردوونەتەوە لە پێناو ئەوەی زوو بە رووداوەكان رابگەن و هەوڵی كۆنتڕۆلكردن و رزگار كردنی هاووتییان بدەن، كاریگەری باشیشیان هەبووە بۆ بەهاناوە چوونی رووداوەكان".
 گووتیشی "سەرەڕایی ئەوەی بەشێوەیەكی بەردەووام رێنمایمان بۆ هاووڵاتییان و گەشتیاران بڵاوكردۆتەوە، بەتایبەت لەم رووبارو شوێنانەی كە جێگەی مەترسین بۆ مەلەكردن، هەروەها هەڵواسینی تابلۆی هۆشیار كردنەوەو جێگیر كردنی تیمی مەلەوانی و كارمەندانی بەرگری شارستانی،  كەچی بەداخەوە بەهۆی پابەندنەبوونی بەشێك لە هاووڵاتییان و گەشتیاران رووداوی خنكان و نەخوازراوی لێكەوتۆتەوە، لەگەڵ ئەوەشدا چەندین كەس رزگار كراون".
 گووتەبێژی بەڕێوەبەرایەتی بەرگری شارستانی سۆران، ئاشكراشی كرد "تەنها لەماوەی ئەمساڵدا واتە 2021 لە لە رووبارەكانی سنووری هەرچوار قەزاكانی ئیداری سۆران 12 هاووڵاتیی خنكاون، ئەوەش بە بەراورد بە ساڵی رابردوو ئامارەكە روو لە هەڵكشاندایە.

زۆرترین بینراو