رێگای سەرەكی پشت بازاڕی سۆران روودەچێت

رێگای سەرەكی پشت بازاڕی سۆران روودەچێت

زاری كرمانجی-سۆران: بەشێك لە ڕێگای سەرەكی دووسایدی پشت بازاڕی سۆران، دەرزی بردووە و ڕووچووە و هاووڵاتیان و شۆفێرانیش خوازیارن لایەنە پەیوەندیدارەكان چارەسەری بۆ بكەن.

كاوە نەجیم، سەرۆكی شارەوانی سۆران، رایگەیاند " ئاگاداری ئەم شوێنەین و چەندین جار سەردانمان كردووە، بەڵام بۆ چاككردنی ئەم ڕێگە سەرەكییە و رێگەگرتن لە ڕۆچوونی زیاتر، پێویستی بە دیواری بەربەست و چەند خزمەتگوزاریی دیكە هەیە، دوای پشكنینی شوێنی ڕۆچوونەكە بە نووسراو داواكاریمان بۆ پارێزگا و سەرووی خۆمان بەرز كردووەتەوە و چاوەڕوانی رەزامەندیی ئەوانین".

سەرۆكی شارەوانی سۆران، گوتیشی " هیوادارین گوژمەیەك بۆ ئەم رێگایە تەرخان بكرێت، بۆ ئەوەی بتوانین پڕۆژەی تێدا ئەنجام بدەین و گرفتەكە چارەسەر بكەین.

 

 

زۆرترین بینراو