نابیت كچ د كلیپێ دا پێڤەرێ سەركەفتنا سترانێ بیت

نابیت كچ د كلیپێ دا پێڤەرێ سەركەفتنا سترانێ بیت

رەمەزان هەرنی – بارزان :
 هونەرمەندێ گەنج و دەنگخوش محەمەد زۆرەگڤانی كو دەمێ چەندین سالایە ل بوارێ هونەری سترانا دبێژیت و خودان جەماوەرەكێ دیارە ل كوردستانێ و ئاكنجیێ دەڤەرا بارزانە خودان چەندین كلیپ و سترانە.
 محەمەد زۆرەگڤانی ددیدارەكێ دا بۆ زاری كرمانجی راگەهاند " سالا 2020 ێ من هژمارەكا بەرهەم وسترانێن خوە یێن كەڤن ب موزیكەكا سەردەمیانەو ئامێر و ستۆدیۆیێن پێشكەفتی تۆمار كرنە دووبارە دگەل دروستكرن و بەلاڤكرنا دوو سترانێن نو، نوكە ژی كار لسەر سترانەكا نوی دكەم كو سترانەك ئەڤینیی یە".
گوتژی " سترانا (چما ناهێی) نوترین ستران و بەرهەمە لبەر دەستێ من، نوكە كار لسەر دكەم و بڕیارە ڤان نزیكا كلیپ و بەلاڤبكەم كو ئەڤ بەرهەمە جوداهیەك هەیە گەل بەرهەمێن دی ، ستران بناڤێ (چما ناهێی) ژ پەیڤ و ئاوازێن وارهێل رەشید و ستۆدیۆ زەمان ل زاخۆ تۆماركریە، بڕیارە دەمەك نزیك كلیپ بكەم" .
ئاشكراكر " ب مخابنی ڤە گەهشتیە رادەیەكێ ئەگەر پەیڤ و ئاواز و موزیك و وێنە چەند باش بن و كوالێتیا وان بلند بیت، ئەگەر كچ دناڤ كلیپێ دا نەبیت گرنگیا خۆ نینە و دناڤ جڤاكیدا ب سقەتی دهێتە دیتن، رولێ كچێ بوویە ئەگەرێ كو كلیپ پتر دەوڵەمەند ببیت، سەرەڕای كو ئەڤ چەندە بۆ من گونجایی نینە كچ ببیتە پێڤەر بۆ كلیپا هونەری، ژبەركو پەیڤ پاشی موزیك و پاشی دەنگ و كوالێتیا ستۆدیۆیێ پەیاما هونەری دگەهینن، نەك رولێ ئەكتەرا كچ، كچ نابیتە پێڤەر و نابیت ژی بكەن پێڤەر بۆ سەركەفتنا سترانێ".

بابەتى پەیوەندیدار جۆراوجۆر

زۆرترین بینراو