ئاكرێ : نڤیسنگەها پاسپۆرتان دێ هێتەڤەكرن

ئاكرێ : نڤیسنگەها پاسپۆرتان دێ هێتەڤەكرن

 

زاری كرمانجی : ب بریارەكا حوكمەتا هەرێما كوردستانێ فەرمانا ڤەكرنا نڤیسنگەها پاسپۆرتێ بۆ قەزایێن ئاكرێ و زاخۆ وسۆران هاتە دان و ل دەمێ بووری نڤیسنگەهێن زاخۆ و سۆران هاتنە ڤەكرن وكاروبارێن ڤەكرنا نڤیسنگەها ئاكرێ ژی دووماهیك هاتینەو دێ هێتەڤەكرن.
عەقید دەریان محەمەد ئەمین ، رێڤەبەرێ نڤیسنگەها پاسپۆرتێن ئاكرێ بۆ زاری كرمانجی راگەهاند : ئەگەرێ گیروبوونا ڤەكرنا نڤیسنگەها پاسپۆرتێن ئاكرێ بەریا نوكە بۆ نەبۆنا ئاڤاهیەكێ باش ڤەدگەرێت كۆ چەندین جارا مە ئاڤاهی دەستنیشانكرن ب كێرنەهاتن و دووماهیك جار ئاڤاهیەكێ گونجایی هاتە دیتن و نوكە نڤیسنگەها ئاكرێ بەرهەڤە بهێتە ڤەكرن.
گوتژی :  ڤەكرنا نڤیسنگەها پاسپۆرتێن ئاكرێ دێ هێتە ڤەكرن دێ بیتە ئەگەرێ ساناهی كرنا دروستكرنا پاسپۆرتا بۆ وەلاتیێن قەزایێن ئاكرێ و بەردەرەش قەرەبالغیا سەر پاسپۆرتا دهۆك ژی دێ كێم بیت  ئەڤە پێنگاڤەكا باشە حوكمەتا هەرێما كوردستانێ هاڤێتی كۆ نڤیسنگەها دروستكرنا پاسپۆرتا ل پرانیا قەزا بهێنەڤەكرن.
ئاشكراكر : ئاڤاهی وستافێ كاركرنێ دووماهیك هاتیە وكەرەستە ژی هەموو بەرهەڤن ب تنێ مایە ب فەرمی بهێتە ڤەكرن و چاڤەرێ كەین ڤان چەند رۆژا بهێتە ڤەكرن.