ئاكرێ : سالانە بەرهەمئینان و چاندنا هژیرا زێدە دبیت

ئاكرێ : سالانە بەرهەمئینان و چاندنا هژیرا زێدە دبیت

زاری كرمانجی : ئاكرێ‌ یا بناڤ و بانگە ب بەرهەمئینانا هژیرا زەر. سالانە چاندن و دروستكرنا باغێن هژیرا زێدەتر دبیت ژ بلی ناڤخویا كوردستانێ‌ دچیتە عیراقێ‌ و دەرڤەی كوردستانێ ژی و نوكه‌ وه‌رزێ پێگه‌هشتنا به‌رهێ هژیرا ئاكرێ یه‌و خواسته‌كا زۆر لسه‌ر هه‌یه‌و بهایێ وێ زۆر یێ گرانه‌و گرانترو ل گوشتێ سۆر.
شیراز چاربۆتی ، جۆتیارەكێ‌ دەڤەرا ئاكرێیە بۆ زاری كرمانجی راگه‌هاند :  ل سنورێ‌ دەڤەرا ئاكرێ‌ گەلەك رەزو باغێن هژیرا هەنە ژبەركو یا بهایە دەمێ‌ دهێتە فرۆتن هژیرا دەڤەرێ‌ گەلەك بناڤ و دەنگە د كەینە مرەبا و كەتك و گەلەك دكەنە دیاری هژیرا ئاكرێ‌ و دەوروبەر بۆ فرۆتنێ‌ و دیاریا چویە گەلەك پارێزگەهێن عیراقێ‌ و دەرڤەی كوردستانێ‌ تایبەت وەلاتێن دەردۆر. دەمێ‌ پێگەهشتنا بەرهەمێ‌ هژیرا كریار رۆژانە دهێن بۆ كرینا هژیرا ئاكرێ‌ تایبەت هژیرا زەر ناڤ و بانگ و تاما خویا تایبەت هەیە ئه‌ڤساله‌ ژبه‌ر بلند بۆنا پلێن گه‌رمێ هژیر زوتر ده‌مێ خۆ گه‌هشتێ نوكه‌ ده‌ستپێكا گه‌هشتنا به‌رهه‌مێ هژیرایه‌ له‌ورا یا گرانه‌ كیلۆیا هژیرا پتر ژ 10 هزارا دهێته‌ فرۆتن و ساڵانه‌ چاندن و به‌رهه‌مئینانا هژیرا ل ده‌ڤه‌رێ زێده‌ دبیت.
 شه‌وكه‌ت ، فرۆشیاره‌كێ به‌رهه‌مێن خۆمالیه‌ ل ده‌ڤه‌را ئاكرێ بۆ زاری كرمانجی راگه‌هاند : ل دەڤەرا ئاكرێ‌ نوكه‌ وه‌رزێ پێگه‌هشتنا به‌رهه‌مێ هژیرا خومالیه‌ و خواسته‌كا زۆر لسه‌ر هه‌یه‌ و هێشتا وه‌ك پێدڤی ل بازاری زۆر نه‌بویه‌ به‌لێ كریاره‌كێ باش هه‌یه‌ و هه‌ر نوكه‌ ژبلی نافخۆیا ده‌ڤه‌رێ چوویه‌ پارێزگه‌هێن دهۆك و هه‌ولێر و سلێمانی رۆژانه‌ كریارێ به‌رهه‌مێ خومالی ب گشتی و هژیرا ب تایبه‌تی زێده‌ دبیت.
گوتژی : نوكه‌ بهایێ كیلۆیا هژیرا خومالیا ده‌ڤه‌را دینارته‌و ئاكرێ 12 هزار دینارن به‌لێ چه‌ند به‌رهه‌مێ هژیرا زۆر ببیت ل بازاری بها كێم دبیت به‌لێ  نوكه‌ به‌رهه‌مێ كێمه‌ بهایێ زۆره‌ .

 

 

 

زۆرترین بینراو