زیاتر 10% سەرچاوە ئاوییەكانی دەڤەری سۆران كەمیان كردووە

زیاتر 10% سەرچاوە ئاوییەكانی دەڤەری سۆران كەمیان كردووە

زاری كرمانجی-سۆران:
 تەحسین سەعدولڵا، بەڕێوەبەری ئاوی سۆران، بە زاری كرمانجی گووت "لەئێستادا لەسنوورەكەمان كاریگەرییەكانی كەم ئاوی رووژ لەدوای رۆژ بەدەردەكەون، كە تائێستا لەسنوورەكە زیاتر لە 10% ئاوی ژێر زەووی كەمی كردووە، هەروەها چەندین بیری ئیرتیوازی و سەرچاوە ئاوییەكان وشكبوونە، ئەمەش كاریەگەری دەبێت لەسەر كەمكردنەوەی پێدانی ئاو بە هاووڵاتییان".
ئاماژەی بەوەشدا "جگەلە كەمبوونەوەی ئاوی سەرچاوەكانی سەنتەری قەزای سۆران و ناحیەكان، كانیاو و سەرچاوەی زیاتر لە 25 گوندی سنووری ناحیەی سیدەكان و سێ‌ گوندی ناحیەی خەلیفان وشكبووە، بۆ چارەسەری ئەم گرفتەو رووبەڕووبونەوەی كێشەی كەم ئاوی چاوەڕوانی بەرنامەی حكوومەتین بەتایبەت ئەم بوددجەیەیی بۆ رووبەڕوو بوونەوەی وشكەساڵی تەرخانكراوە".
  بەڕێوەبەری ئاوی سۆران، داواكارە لە هاووڵاتییان زێدەڕۆی لەم ئاوە نەكەن كە رۆژانە بەدەستیان دەگات، هەروەها پێویستە سەرجەم هاووبەشانی ئاو پابەندبن بە بەستنی پێوەری ئاو.

زۆرترین بینراو