لە جەژندا سەدان سەر ئاژەڵ دەكرێنە قوربانی

لە جەژندا سەدان سەر ئاژەڵ دەكرێنە قوربانی

زاری كرمانجی - ئەمڕۆ لە شاری هەولێر سەرۆکی دەزگای خێرخوازیی بارزانی ڕایگەیاند کە لەم جەژنی قوربانەدا سەدان سەر ئاژەڵ دەکەنە قوربانی و بەسەر بنەماڵە و دانیشتوانی کەمپەکانی ئاوارە و پەبانەبەراندا دابەشی دەکەن.

مووسا ئەحمەد، سەرۆکی دەزگای خێرخوازیی بارزانی لە پرێس کۆنفراسنێکدا باسی لەوە کرد: "لە ساڵی ٢٠٠٩وە وڵاتی ئیمارات لەڕێگەی مانگی سووری ئیماراتییەوە جۆرەها هاوکاریی بۆ هەرێمی کوردستان و ئاوارە و پەبانەبەرە نیشتەجێیەکانی کوردستان و خەڵکی کوردستانیش پێشکەش کردووە، ئەو هەنگاوانەش کاریگەرییان هەبووە لەسەر پڕۆژە خێرخوازییەکان".

گوتیشی: "دەوڵەتی ئیمارات تا ئێستا نزیکەی ٥٢ ملیۆن دۆلاری وەک هاوکاری پێشکەش بە منداڵانی بێباوک کردووە، هەروەها کەمپی پەنابەرانی دروست کردووە و بەردەوامیش دەبن لە پشتگیریکردنی دەزگای خێرخوازیی بارزانی".

مووسا ئەحمەد باسی لەوەش کرد: "لە جەژنی قورباندا بۆ نزیکەی شەش هەزار خێزان لە کوردستان سوودمەند دەبن پڕۆژەی دابەشکردنی گۆشتی قوربانییە بە بڕی ١٣٠ هەزار دۆلار و لەو کارەشدا بە هاوکارییەکانی پارێزگای هەولێر و کەرتی تەندروستی بەیەکەوە پرۆژەکە جێبەجێ دەکەن".

د. ئەحمەد ئیبراهیم ئەلزاهری کونسوڵی گشتیی ئیمارات لە هەرێمی کوردستانیش ئامادەیی وڵاتەکەی بۆ هاوکاریکردنی هەرێمی کوردستان نیشان دا و باسی لەوەش کرد کە ئەوان هاوکارییەکانیان بەردەوام دەبن و لەو چوارچێوەیەشدا تیشکیان خستووەتە سەر هاوکارییکردنی ئاوارە و پەنابەرانی ناو کەمپەکان، و پرۆسەکەشی بە هاوکاری مرۆیی ناوزەد کرد".

هەروەها گوتیشی: "ئێمە بەردەوام دەبین لە هاوکارییەکان و لەڕێگەی دەزگای خێرخوازی بارزانیشەوە لەو پرۆسە و هاوکارییە مرۆییە بەردەوام دەبن".

 

زۆرترین بینراو