د پلاندایه‌ تونێله‌ك ل چیای مه‌تین بهێته‌ دروستكرن 

د پلاندایه‌ تونێله‌ك ل چیای مه‌تین بهێته‌ دروستكرن 


زاری كرمانجی : ده‌رگه‌هێ سه‌ر زێر كۆ ده‌رگه‌هه‌كه‌ بازرگانیه‌ ل باشوورێ كوردستانێ بۆ توركیا رۆژانه‌ هاتنوچوونه‌كا زۆر لسه‌ر هه‌یه‌ و بریارا قێركرنا وێ هاتیه‌ دان.
خه‌دیجه‌ مه‌حمه‌د رێڤه‌به‌را رێكوپرا ل پارێزگه‌ها دهۆكێ بۆ زاری كرمانجی راگه‌هاند: هه‌ر ژ كۆمه‌لگه‌ها سه‌رزێرێ یا سنوری دگه‌ل وه‌لاتێ توركیا هه‌تا دگه‌هته‌ چیایێ مه‌تینا، هه‌موو دێ بیته‌ جۆت ساید، د پلانێ دایه‌ تونێله‌ك ل چیایێ مه‌تینا ژی بهێته‌ دروستكرن.
گوتژی : نۆكه‌ دیزاین بۆ جۆت سایدكرنا جادا ده‌رگه‌هێ سنوریێ سه‌رزێرێ هاتیه‌ دانان ب درێژاهیا 22 كیلۆمه‌تران. جادە دێ بیته‌ جۆت ساید هه‌روه‌سا ژی تونێل ژی ل چیایێ مه‌تینا دهێته‌ دروستكرن، ئه‌ڤه‌ هه‌موو به‌رهه‌ڤی نه‌ دهێنه‌ كرن ده‌مێ ده‌رگه‌هێ سنوری یێ سه‌رزێرێ بیته‌ ده‌رگه‌هه‌كێ بازرگانی داكو جادە دگونجایی بن بۆ ئه‌نجامدانا كارێن بارزگانی ب رێیا كۆمه‌لگه‌ها سنوری یا سه‌رزێرێ.
خویاكر : دڤێ قوناغێدا دا دیزاینا ڤێ پرۆژه‌یێ هاته‌ دانان، هێشتا رازه‌مه‌ندی ل سه‌ر ته‌رخانكرنا پاره‌یێ نه‌هاتیه‌ كرن، پرۆژه‌ دپلانێ دایه‌ بهێته‌ بجه ئێنان.
ئاشكراكر : هه‌كه‌ تونێلا‌ چیایێ مه‌تینا دگه‌ل پرۆژه‌یێ جۆت سایدكرنا جادا سه‌رزێرێ بهێته‌ دروستكرن، دێ ب كێماسی ده‌مژمێره‌ك هه‌تا 45 ده‌قیقه‌ زووتر خه‌لك ژ دهۆكێ گه‌هنه‌ سه‌رزێرێ ئانكۆ دێ رێك گه‌له‌ك كورت وخۆش بیت.
ته‌كه‌زكر : تونێلا چیایێ مه‌تینا درێژاهیا چار كیلۆمه‌تر و 700 مه‌ترن شوونا خه‌لك رێكه‌كا نه‌خۆش را بچنه‌ ده‌ڤه‌را به‌رواری بالا و سه‌رزێرێ دێ تونێلێ را چن دێ رێكێ زۆر كورت كه‌ت، تونێلا لایێ ئه‌رەدنا و ده‌ڤه‌را بامه‌رنێ ده‌ست پێ دكه‌ت ل گه‌لیێ هه‌سپا ده‌ركه‌ڤیت.

زۆرترین بینراو